Urdu News

ڈبلیوایچ او کے ڈائریکٹر جنرل ڈاکٹر ٹیڈروس گھبریئسس گجرات کے تین روزہ دورہ پر

ڈبلیوایچ او کے ڈائریکٹر جنرل ڈاکٹر ٹیڈروس گھبریئسس گجرات کے تین روزہ دورہ پر

احمد آباد، 18؍اپریل

ورلڈ ہیلتھ آرگنائزیشن (ڈبلیو ایچ او) کے ڈائریکٹر جنرل ڈاکٹر ٹیڈروس گیبریئسس  گجرات کے تین روزہ دورے پرآج یہاں پہنچے۔ اپنے دورہ کے دوران  وہ وزیر اعظم نریندر مودی کے ساتھ چند تقریبات میں حصہ لیں گے۔ مسٹر گھبریئسس 18 اپریل کو راجکوٹ پہنچیں، جہاں وہ منگل کو پی ایم مودی کی قیادت میںجام نگر میں ڈبلیو ایچ او گلوبل سینٹر فار ٹریڈیشنل میڈیسن (جی سی ٹی ایم) کے سنگ بنیاد رکھنے کے پروگرام میں رات بھر قیام کریں گے۔  یہ اطلاع راجکوٹ کے کلکٹر ارون مہیش بابو نے  دی ہے۔ انہوں نے کہا کہ جی سی ٹی ایم دنیا بھر میں روایتی ادویات کے لیے پہلا اور واحد عالمی چوکی مرکز ہو گا۔

بدھ کو، مسٹر گھبریئسس گاندھی نگر میں ہوں گے، جہاں پی ایم مودی گلوبل آیوش انویسٹمنٹ اینڈ انوویشن سمٹ کا افتتاح کرنے والے ہیں۔  عہدیداروں نے بتایا کہ مہاتما مندر میں منعقد ہونے والی تین روزہ سمٹ میں تقریباً 90 نامور مقررین اور 100 نمائش کنندگان  شامل ہوں گے۔ سمٹ سرمایہ کاری کے امکانات کو اجاگر کرنے میں مدد کرے گا اور فلاح و بہبود کی صنعت میں جدت، تحقیق اور ترقی اور اسٹارٹ اپ ایکو سسٹم کو تقویت دے گا۔  انہوں نے کہا کہ یہ صنعت کے رہنماؤں، ماہرین تعلیم اور اسکالرز کو اکٹھا کرنے اور مستقبل میں تعاون کے لیے ایک پلیٹ فارم کے طور پر کام کرنے میں مدد کرے گا۔

راجکوٹ کے میئر پردیپ داو نے کہا کہ ماریشیا کے وزیر اعظم پرویند کمار جگناوتھ بھی  راجکوٹ پہنچیں گے، جہاں ہوائی اڈے پر ثقافتی تقریبات کے ساتھ ان کا استقبال کیا جائے گا اور ہوائی اڈے سے ان کے قافلے کے راستے میں بھی ان کا  سواگت کیا جائے گا۔ مسٹر داو نے کہا کہ ان کے اعزاز میں کئی ثقافتی تقریبات کا اہتمام کیا گیا ہے۔ ان کے قافلے کے راستے میں ' ویلکم ٹو گجرات' کے کئی ہورڈنگز لگائے گئے ہیں۔

Recommended