کشمیر میں پیدا ہونے والے اعجاز احمد اہنگر کو وزارت داخلہ نے کیوں دیادہشت گردقرار؟

 وزارت داخلہ نے جمعرات کو کشمیری نژاد اعجاز احمد اہنگر عرف ابو عثمان الکشمیری کو ایک خطرناک دہشت گرد کے طور پر نامزد کیا ہے۔

مرکزی وزارت داخلہ نے احمد اہنگر عرف ابو عثمان الکشمیری کو غیر قانونی سرگرمیاں (روک تھام) ایکٹ 1967 (یو اے پی اے) کے تحت دہشت گرد قرار دیتے ہوئے ایک نوٹیفکیشن جاری کیا ہے۔ 1974 میں سری نگر میں پیدا ہوئے، ابو عثمان اس وقت افغانستان میں مقیم   اور اسلامک اسٹیٹ جموں و کشمیر (آئی ایس جے کے) کے لیے بھرتی کرنے والوں میں سے ایک ہیں۔

جموں و کشمیر پولیس کو دو دہائیوں سے ‘مطلوب’ اعجاز کے القاعدہ اور دیگرعالمی دہشت گرد گروپوں سے روابط ہیں۔ وہ ہندوستان میں اسلامک اسٹیٹ (آئی ایس) کے چینلز کو دوبارہ شروع کرنے میں سرگرم ہے۔

وہ مسلسل کشمیر میں دہشت گردی کو فروغ دینے کی کوشش کر رہا ہے اور اس نے ایک آن لائن ہندوستان پر مبنی آئی ایس آئی ایس  پروپیگنڈا میگزین شروع کیا ہے۔