بیلسٹک ہیلمٹ
پرانے ہیلمٹ میں خرابی پائی گئی، 25 فوجی فضا سے زمین پر اترنے کی کوشش میں گر پڑے
نئے ہیلمٹ خریدنے کا فیصلہ معیار کو بہتر بنانے کی سفارش پر کیا گیا
ہندوستانی فوج کے پیراٹروپ اور خصوصی دستوں کے لئے خریدے گئے فضائی ہیلمٹ میں خرابی پائے جانے کے بعد حکومت نے اب 80,000 بیلسٹک ہیلمٹ خریدنے کی منظوری دے دی ہے۔ اس سے قبل خریدے گئے ہیلمٹ کے معیار کا اندازہ اس بات سے لگایا جا سکتا ہے کہ تجرباتی مشق کے دوران 25 ہوائی ہیلمٹ فوجیوں کے سروں سے فضا میں ہی گر پڑے۔
ہیلمٹ کے بغیر مشقیں مکمل کرتے ہوئے متعدد فوجی زخمی ہوئے۔ جس کے بعد فوج کو ہیلمٹ کا معیار بہتر بنانے کی سفارش کی گئی جس پر نئے ہیلمٹ خریدنے کا فیصلہ کیا گیا ہے۔
دفاعی ضرریات سے متعلق کونسل نے 22 دسمبر کو مسلح افواج اور بحری سلامتی دستے یعنی کوسٹ گارڈ کے لئے 84,328 کروڑ روپئے کی 24 سرمایہ کے حصول کی تجاویز کے لئے ضروری سفارشات کو منظوری دے دی ہے۔
تجاویز میں بحریہ کے لئے اینٹی شپ میزائل، کثیر مقصدی جہاز، میزائل سسٹم کی نئی رینج، لانگ رینج گائیڈڈ بم اور جدید ترین گشتی جہاز شامل ہیں۔ منظور شدہ تجاویز میں فوجیوں کے تحفظ کی سطح میں اضافہ کے ساتھ بیلسٹک ہیلمٹ کی خریداری بھی شامل ہے۔
خصوصی دستوں کی یونٹ نے بتایا کہ فضائی مشقوں کے دوران طیارے سے ہزاروں فٹ کی بلندی پر چھلانگ لگانے کے بعد لینڈنگ کی رفتار بہت تیز ہوتی ہے۔ اس دوران ہوا میں ہیلمٹ کا کھو جانا خاص طور پر بہت سے ساتھی فوجیوں کی ہوا میں موجودگی کی وجہ سے خطرناک ہو سکتا ہے۔فضا سے چلنے والے ہیلمٹ کی خامیوں کو اجاگر کرنے کے بعد، بہتر معیار اور حفاظت کو یقینی بنانے کے لئے اقدامات پر تبادلہ خیال کیا گیا۔
رجنی کانت کی ’جیلر‘ جمعرات کو ریلیز ہوئی۔ فلم کو پہلے دن سینما گھروں میں…
مضمون نگار: زبیر قریشی میری ماٹی، میرا دیش مہم نے وسطی کشمیر کے گاندربل ضلع…
جموں و کشمیر کی یونین ٹیریٹری میں تنظیم نو کے بعد ہونے والی اہم تبدیلیوں…
شمالی کشمیر کے ضلع بانڈی پورہ سے تعلق رکھنا والا محمد مقبول ڈار نامی قالین…
زعفران کی جی آئی ٹیگنگ کے بعد، کسانوں نے اس کی پیداوار میں اضافہ کیا…
سری نگر میں، لال چوک پر نئے تجدید شدہ تاریخی کلاک ٹاور ایک خوشگوار حیرت…