دہلی میں سو سے کم آئی سی یو بستر ، کجریوال نے مرکزی حکومت سے مدد کامطالبہ کیا

<p dir="RTL" style="text-align: justify;">
<strong>دہلی میں سو سے کم آئی سی یو بستر ، کجریوال نے مرکزی حکومت سے مدد کامطالبہ کیا</strong></p>
<p dir="RTL" style="text-align: justify;">
نئی دہلی ، 18 اپریل (انڈیا نیرٹیو)</p>
<p dir="RTL" style="text-align: justify;">
' دہلی میں آئی سی یو بیڈ کی مستقل قلت ہے۔ ' یہ بات دہلی کے وزیر اعلی اروند کیجریوال نے سنڈے ورچوئل پریس کانفرنس کے دوران کہی۔ دہلی حکومت قومی دارالحکومت میں بڑھتی ہوئی کورونا مریضوں کے لئے بہت سرگرم ہے۔ </p>
<p dir="RTL" style="text-align: justify;">
وزیر اعلی نے کہا کہ ' دہلی میں کورونا کیسز تیزی سے بڑھ رہے ہیں اور دہلی میں آئی سی یو بیڈ بہت کم ہوگئے ہیں۔ ہم نے مرکزی حکومت سے دہلی کے لئے بیڈ اور آکسیجن بڑھانے کا مطالبہ کیا ہے۔ کیونکہ دلی میں آئی سی یو والے بیڈز کی تعداد 100 سے نیچے چلی گئی ہے۔ تاہم ، ہمیں مرکزی حکومت سے مدد مل رہی ہے۔ گذشتہ روز میں نے اس معاملے میں ملک کے وزیر داخلہ امت شاہ اور وزیر صحت ڈاکٹر ہرش وردھن سے بات کی تھی۔ ہم یںسب کی مدد مل رہی ہے۔ مرکزی حکومت سمیت دہلی کے پاس دس ہزار بستر ہیں جن میں سے ہمیں 7 ہزار بیڈز کی ضرورت ہے۔<span dir="LTR">'</span></p>
<p dir="RTL" style="text-align: justify;">
وزیر اعلی ٰنے مزید کہا کہ ' ہم اسٹیڈیم اور مندر کو اسپتال کے طور پرتعمیر کرنے جارہے ہیں۔ میں مرکزی حکومت اور تمام این جی اوز کا شکریہ ادا کرتا ہوں کہ لوگ تعاون کیلئے سامنے آرہے ہیں۔ مجھے امید ہے کہ ہم بہت جلد اس چوتھی لہر پر قابو پالیں گے۔ گزشتہ 24 گھنٹوں میں تقریبا. 25 ہزار معاملات سامنے آئے ہیں ،لیکن تشویش کی بات یہ ہے کہ کورونامثبت کی شرح 24 فیصد کے مقابلے میں 30 فیصد ہوگئی ہے۔<span dir="LTR">'</span></p>
<p dir="RTL" style="text-align: justify;">
<strong>ہریدوارکنبھ سے دہلی لوٹنے والوں کو 14 دن گھرمیں قرنطینہ رہنا پڑے گا</strong></p>
<p dir="RTL" style="text-align: justify;">
دہلی ڈیزاسٹر مینجمنٹ اتھارٹی (ڈی ڈی ایم اے) نے ان لوگوں کو اپنی تمام تفصیلات دینے کو کہا ہےجو اجودھیا کنبھ سے واپس آرہے ہیں۔ اس کے ساتھ ہی ایسے لوگوں کو 14 دن تک گھر میں ہی قرنطینہ رہنے کا حکم بھی دیا گیا ہے۔</p>
<p dir="RTL" style="text-align: justify;">
دہلی حکومت نے اس کےلئے ایک لنک جاری کیا ہے جس پر جاکرکنبھ سے سے آئے لوگ جو دہلی کے رہائشی ہیں اور جنہوں نے 4 اپریل سے آج تک یا 30 اپریل تک یاترا کی ہے ، دہلی میں ایسے افراد کواس لنک پر اپنا پتہ ، نام ، رابطہ نمبر ، شناختی ثبوت ، روانگی کی تاریخ اور دہلی میں آمد کی تاریخ اپ لوڈ کرنا ہوگی۔ اس کے علاوہ ، حکم نامے میں یہ بھی کہا گیا ہے کہ دہلی کے تمام باشندے ، جوکنبھمیلہ میں شرکت کے بعد ہریدوار سے واپس آرہے ہیں ، انہیں قومی دارالحکومت آنے پر 14 دن گھرمیں قرنطینہ رہنا پڑے گا۔دہلی میں بڑھتے ہوئے کورونا کیسز کی وجہ سے حکومت احتیاطی تدابیر اختیار کرنے کی کوشش کر رہی ہے۔</p>