ماہی پروری، مویشی پروری اور ڈیری کی وزارت کے ماہی پروری کا محکمہ، ہندوستان کی آزادی کے 75 شاندار سالوں کی یادگار میں، 21 جون 2022 کو یوگا کے عالمی دن (آئی ڈی وائی) 2022 کے پیش رو کے طور پر، 9 مئی 2022 کو یوگا کاؤنٹ ڈاؤن پروگرام منعقد کر رہا ہے۔ ۔ یہ ماہی پروری کے محکمہ کی طرف سے 'آزادی کا امرت مہوتسو' منانے کی کوششوں میں سے ایک ہے۔
افتتاحی تقریبات کے سلسلے میں سے، پہلی تقریب کا افتتاح 9 مئی کو گجرات کےشہر پوربندرمیں ماہی پروری، مویشی پروری اور ڈیری کے مرکزی وزیر جناب پرشوتم روپالا کریں گے۔ محکمے اور فیلڈ دفاتر کے افسران کی ایک ٹیم، جس کی قیادت ماہی پروری کے سکریٹری جناب جے این۔ سوین کر رہے ہیں، اس تقریب میں وزیر موصوف کے ساتھ شرکت کرے گی۔ اس کے ساتھ ساتھ، ماہی پروری، مویشی پروری اور ڈیری کےوزیر مملکت ڈاکٹر سنجیو کمار بالیان، اور وزیر مملکت(ماہی پروری) ڈاکٹر ایل مروگن، بالترتیب اتر پردیش کے شہروارانسی، اور تمل ناڈوکے شہر مہابلی پورم میں، الٹی گنتی کے پروگراموں کا افتتاح کریں گے۔
ایک ہزار سے زیادہ لوگ جن میں ماہی گیری کے فارمرز، ماہی گیر، ماہی گیری سے منسلک صنعتیں اور سول سوسائٹی کی تنظیمیں اور ماہی گیری کے حیاتیاتی نظام کے دیگر شراکت دار، سرکاری افسران اور نوجوان اور خواتین سمیت مقامی افراد، بھی، سبھی مقامات پر یوگا کے الٹی گنتی کے پروگراموں میں شخصی طور پر حصہ لیں گے جبکہ بہت سے دیگر لوگ ورچول طور پر شامل ہوں گے۔ 21 جون 2022 کو طے شدہ یوگا کے بین الاقوامی دن (آئی ڈیوائی) سے پہلے، اس الٹی گنتی پروگرام کا مقصد، روزمرہ کی زندگی میں یوگا کی اہمیت کے بارے میں ملک بھر میں وسیع تر رسائی اور بیداری پیدا کرنا اور ہر ایک کو اس پر عمل کرنے کی ترغیب دینا ہے۔ یونیسکو نے بھی یوگا کو غیر مادی عالمی ورثے کے طور پر درج کیا ہے۔
