<p style="text-align: right;">وزیر زراعت پریم کمار پر ضابطہ اخلاق کی خلاف ورزی معاملے پر ایف آئی آر درج کرنے کا حکم</p>
<p style="text-align: right;">پٹنہ ، 28 اکتوبر (انڈیا نیرٹیو)</p>
<p style="text-align: right;"> بہار اسمبلی عام انتخابات کے پہلے مرحلے میں سخت حفاظتی انتظامات کے درمیان 16 اضلاع کی 71 سیٹوں پر بدھ کو پولنگ ہورہا ہے۔ گیا میں وزیر زراعت اور بی جے پی امیدوار ڈاکٹر پریم کمار بی جے پی کے انتخابی نشان کمل کے پھول والا ماسک اور گلے میں پٹا ڈال کر سائیکل سے ووٹ ڈالنے آئے۔ کمل نشان والے فیس ماسک پہننے کو لے کر شکایت ملنے پر الیکشن افسر اور ضلع مجسٹریٹ نے ان کے خلاف ضابطہ اخلاق کی خلاف ورزی معاملے پرایف آئی آر درج کرنے کا حکم دیا ہے۔</p>
<p style="text-align: right;">گیا شہری اسمبلی حلقہ سے بی جے پی کے امیدوار ڈاکٹر پریم کمار نے ووٹ دینے سے پہلے مندر میں پوجا کی اور بھگوان کا آشرواد لیا۔ اس دوران ان کے ساتھ ان کی اہلیہ ،بیٹے اور کئی حامی موجود تھے۔ سماجی دوری پر عمل کرتے ہوئے پریم کمار نے چہرے پر ماسک لگا رکھا تھا اور ہاتھوں میں دستانے پہن رکھا تھا۔ لیکن گلے میں پٹا اور ماسک پر بی جے پی کا انتخابی نشان تھا۔</p>
<p style="text-align: right;">قابل ذکر ہے کہ گیا ضلع کے تمام 10 اسمبلی حلقوں میں زبردست مقابلہ ہے۔ ضلع این ڈی اے اور اپوزیشن اتحاد کے پانچ۔پانچ ایم ایل اے ہیں۔ ان میں بی جے پی سے دو ، جے ڈی یو سے دو ، ہندوستانی عوام مورچہ سے ایک ، آر جے ڈی سے چار اور کانگریس سے ایک ایم ایل اے شامل ہیں۔</p>.
