<h3 style="text-align: center;">بہار اسمبلی الیکشن 2020: ہم سب کی ترقی کر رہے ہیں اور اپوزیشن مذہب کے نام پر سیاست :یوگی آدتیہ ناتھ</h3>
<p style="text-align: right;"> پٹنہ ، 20 اکتوبر</p>
<p style="text-align: right;">بہاراسمبلی انتخابات 2020 میں این ڈی اے، مہا گٹھ بندھن سمیت تمام سیاسی جماعتوں نے اپنی پوری طاقت جھونک دی ہے۔ منگل کواترپردیش کے وزیر اعلیٰ یوگی آدتیہ ناتھ بہار کی انتخابی مہم بھی کیمور کے رام گڑھ سے شروع کئے۔ رام گڑھ کے عوام سے خطاب کرتے ہوئے یوگی نے کہا کہ اس انتخابات میں ایک طرف حکومت ترقیاتی منصوبوں پر کام کر رہی ہے اور دوسری طرف ذات ، زبان ، خطے کے نام پر لڑانے والی پارٹیاں۔ ہم لوگ سب کا ساتھ، سب کی ترقی کی بات کرتے ہیں ،وہ لوگ ملک کے وسائل پر ایک خاص مذہب کے حق کی بات کرتے ہیں۔ یہ ذہنیت ملک کو منتشر ہونے کی طرف لے جاتی ہے۔</p>
<p style="text-align: right;">یوگی نے اپنی تقریر کے آغاز میں ہی کہا تھا کہ وہ رام کی جائے پیدائش سے آئے ہیں۔ انہوں نے کہا کہ بہار اور یوپی کی چولی دامن کے ساتھ ہے۔ کورونا بحران کے آخری سات ماہ کے دوران غریبوں کو مفت راشن دینے سمیت مرکزی حکومت کی تمام مرکزی فلاحی اسکیموں کا ذکر کرتے ہوئے یوگی نے ہجوم سے پوچھا کہ کیا یہ اپوزیشن جماعتوں کی حکومت ہوتی تو یہ ہوتا۔ یوگی نے کہا کہ بہار نے وزیر اعلی نتیش کمار کی قیادت میں مستقل ترقی کی ہے۔ سونے پر سوہاگا یہ ہے کہ مرکز میں مودی حکومت ہے۔ حکومت نے تمام طبقات کی ترقی کے لیے کئی اسکیمیں شروع کی ہیں۔ وزیر اعظم نریندر مودی نے گزشتہ چھ سالوں کو ہر شعبے میں ملک کی ترقی اور خوشحالی کے لیے دن رات کام کیا ہے۔ انہوں نے کہا کہ یوپی بہار کے اس لازمی تعلقات کی وجہ سے ہی وہ انتخابات میں این ڈی اے امیدواروں کی حمایت میں ووٹ ڈالنے کی اپیل کرنے آئے ہیں۔</p>.