ڈاکٹر متھولکشمی ریڈی، ایک ہندوستانی ماہر تعلیم، قانون ساز، سرجن اور سماجی مصلح نے اپنی زندگی بھر خواتین کے حقوق کے لیے جدوجہد کی۔ 30 جولائی 1886 کو تمل ناڈو میں پیدا ہونے والی متھولکشمی ریڈی ہندوستان کی پہلی خاتون قانون ساز اور پہلی خاتون سرجن (میڈیکل گریجویٹ) تھیں۔

انہوں نے مندروں سے دیوداسی نظام کے خاتمے، بچوں کی شادی کی روک تھام کے قانون اور خواتین اور بچوں کی سمگلنگ کو روکنے کے لیے اہم کردار ادا کیا۔ 1954 میں، کینسر سے اپنی بہن کی موت کے بعد، انہوں نے چنئی میں کینسر انسٹی ٹیوٹ شروع کیا، جو آج دنیا کے سب سے بڑے کینسر ہسپتالوں میں سے ایک ہے۔ یہاں ہر سال کینسر کے ہزاروں مریضوں کا علاج کیا جاتا ہے۔ سنہ 1956 میں حکومت ہند نے انھیں ان کی نمایاں خدمات کے لیے پدم بھوشن سے نوازا۔ ان کا انتقال 1968 میں 81 سال کی عمر میں ہوا۔