<h3 style="text-align: right;">اجودھیا میں دیپ اتسو میں دکھائی دیا شاندارنظارہ، ہیلی کاپٹرسے ہوئی پھولوں کی بارش</h3>
<div style="text-align: right;">۔پشپک ہوائی جہاز کے طور پر بھگوان شری رام ، ماتا سیتا اور لکشمن پہنچے</div>
<div style="text-align: right;">۔ گورنر اور وزیر اعلی نے کیا خیر مقدم ، زمین سے آسمان تک ماحول ہواخوشگوار</div>
<div style="text-align: right;">دیوالی کی ماقبل شامجمعہ کے روز رام نگری اجودھیا میں تریتا یگ زندہ ہو اٹھا۔ لنکا فتح کے بعد بھگوان شری رام ، ماتا سیتا اور لکشمن کے اجودھیا واپسی پرریاست کی گورنر آنندی بین پٹیل اور وزیر اعلی یوگی آدتیہ ناتھ نے ان کا استقبال کیا۔ پشپک ہوائی جہاز کی شکل میں بھگوان شری رام ،ماتا سیتا اور انوج لکشمن کے ساتھ جیسے ہی اجودھیادھ پہنچے ،ایک دوسرے ہیلی کاپٹرنے ان پر پھولوں کی بارش کی۔</div>
<div style="text-align: right;"> سریو کے کنارے ہیلی کاپٹر کے ذریعے اترنے کے بعد ، گورنر آنندی بین ، وزیر اعلی یوگی ، نائب وزیر اعلی کیشوپرساد موریہ اور کابینہ کے دیگر ارکان نے بھگوان شری رام ، سیتا جی اور لکشمن کا خیرمقدم کیا۔ ہیلی پیڈ سے ، شری رام ، ماتا سیتا اور لکشمن جی سنہری ایک سنہرے رتھ پر سوار ہوکر رام کتھہ پارک پہنچے ، جہاں اسٹیج پر بھگوان شری رام کا راجیہ ابھیشیک ہوا۔ اس کے بعد ، گورنر ، وزیر اعلی اور دیگر وزرا نے رام سیتا اور لکشمن کی آرتی اتاری۔</div>
<div style="text-align: right;">بھگوان رام کے استقبال کے لئے گورنر آنند ی بین پٹیل ،وزیر اعلی یوگی کے ہمراہ بھگوان رام کا استقبال کرنے کے لئے سہ پہر ساڑھے تین بجے اجودھیادھام پہنچے۔ یہاں پہنچنے پر ، گورنر اور وزیر اعلی نے رام کتھا پارک میں شری رام سے متعلق محکمہ انفارمیشن کے زیر اہتمام منعقدہ نمائش کا دورہ کیا اور رام جنم بھومی کے مقام پرشری رام للا کی پوجا کی۔ اس دوران ، وزیر اعلی یوگی نے رام للا کے دربار میں دیپ جلا کر شاندار دیپ اتسو کا آغاز کیا۔ رام جنم بھومی استھل پر شری رام جنم بھومی شیتر ٹرسٹ کے جنرل سکریٹر ی چمپت رائے اور راجہ اجودھیا بِمیلندر موہن مشرا نے گورنر اور وزیر اعلی کا استقبال کیا۔</div>
<div style="text-align: right;">بھگوان شری رام کے راجیہ ابھیشیک کے بعد ، وزیر اعلی یوگی کے ساتھ گورنر اور کابینہ کے دیگر ممبران نے سریو آرتی کی اور وہاں سے رام کے پیڑی پہنچ کر دی اتسو کا افتتاح کیا۔ رام کی پیڑی پر آج پر ایک ساتھ 5 لاکھ 51 ہزاردیپ جلا کر ایک نیا عالمی ریکارڈبنا یا گیا ۔ ویسے ، آج پورے ایودھیا میں چھ لاکھ کے قریب لیمپ جلائے گئے ۔ گنیز بک آف ورلڈ ریکارڈ میں دیپوتسو کو درج کرنے کے لئے گنیز بک کی ٹیم جمعرات کو اجودھیا پہنچی ہے۔ شری رام کی آمد سے قبل ساکیت کالج سے رام کتھا پر مبنی شاندار جھانکیاں بھی نکالی گئیں۔</div>
<div style="text-align: right;">دیوالی کی ماقبل شام منعقدہ دیپوتسو کی تقریب آج اودھپوری کا ایک حیرت انگیز نظارہ پیش کررہی تھی۔ سریو کے گھاٹوں سے لے کر ندیوں تک ، آسمان سے زمین تک ،پیڑ پودے ، دیواریں ، مکانات ، دکانیںسب کچھ رام کے رنگ میں رنگ گئے ہیں۔ رام نگری کا یہ مافوق الفطرت منظر دیکھتے ہی بنتا ہے۔ دیپوتسو کے موقع سے ہی اودھپوری میں تمام قدیم مقامات روشن ہیں۔ مٹھ ، مندروں ، سرکاری عمارتوں اور اسکولوں ، سڑکوں اور باغات بھی دیپوں اور بجلی کیجھالروں سے روشن ہیں۔</div>
<div style="text-align: right;"></div>.