مدرسہ رحمانیہ رحمان گنج میں جلسہ دستار بندی سےعلما کا خطاب

زید پور،بارہ بنکی(ابوشحمہ انصاری)

مدرسہ رحمانیہ رحمان گنج میں ایک جلسہ اعجاز قرآن کانفرنس و جشن دستار بندی كا انعقاد حسان میاں مسولوی کی سرپرستی و مینیجر مدرسہ ہذا شرف الدین سابق پردھان کی صدارت میں ہوا۔اکرم جلال پوری کی نظامت میں ہونے والے جلسہ سے قاری شکیل مینائی، ہلال ٹانڈوی ،اکرم بلرام پوری نے منظوم خراج عقیدت پیش کیا۔

مقرر خصوصی مفتی اختر حسین حلیمی نے خطاب کرتے ہوئے کہا کہ مدارس تبلیغ دین کے قلع ہیں جہاں سے قوم کے بچوں کو صحیح انسان بنایا جاتا ہے۔انہوں نے کہا کہ عقیدہ ایمان کا تحفظ اس دور پر فتن ميں نہایت ضروری ہے جو علم دین کے بغیر ممکن نہیں ہے۔جلسہ سے مولانا واجد علی فیضی،مفتی انوار احمد امجدی، مفتی صابر القادری نے بھی خطاب کیا۔

 ادارہ سے 23 فارغین حفاظ کے سروں پر دستار علماکے ہاتھوں عمل میں آیا۔آخر میں صوم و صلوٰۃ و حضور حسان میاں کی دعا پر جلسہ اختام پزیر ہوا۔اس موقع پر کثیر تعداد میں لوگ موجود رہے۔مہمانوں کا استقبال اور شکریہ شرف الدین منیجر نے ادا کیا۔