مولانا یٰسین اختر مصباحی کاانتقال تحریر وقلم کا عظیم خسارہ: سید محمد اشرف کچھوچھوی

جامعہ اشرفیہ مبارک پور کی مجلس شوریٰ کے رکن اور سابق استاذ رئیس التحریرحضرت علامہ یٰسین اختر مصباحی رحمۃ اللہ علیہ کے  انتقال پر آل انڈیا علماء ومشائخ بورڈ کے بانی وقومی صدر و ورلڈ صوفی فورم کے چیئرمین حضرت سید محمد اشرف کچھوچھوی نے  آپ کے اہل خانہ،محبین مخلصین،اعزہ واقربا سے اظہار تعزیت پیش کرتے ہوئے دعا کی کہ مولیٰ تعالیٰ مولانا موصوف کو جنت الفردوس میں اعلیٰ سے اعلیٰ مقام عطا فرمائے اور درجات بلند فرمائے۔

حضرت نے کہا کہ علامہ یٰسین اختر مصباحی ایک مشہور عالم دین ہونے کے ساتھ ساتھ ایک اچھے قلم کار تھے۔انہوں نے جو گابائی،جامعہ نگر اوکھلا نئی دہلی کے علاقے میں قادری مسجدو ایک ادارہ دار القلم قائم کیا ہے جو آپ کی مستقل پہچان ہے اوردہلی کے مسلمانوں کے لیے سرمایہ ہے ساتھ ہی متعدد کتابیں ان کی یادگار ہیں۔ان کے انتقال سے تحریر وقلم کابڑا نقصان ہوا ہے،اراکینِ آل انڈیا علما ومشائخ بورڈ ان کے انتقال سے افسردہ ہیں۔