نئی دہلی 03 اکتوبر 2021: اقلیتوں کے امور کے مرکزی وزیر جناب مختار عباس نقوی نے کہا ہے کہ ہندوستان کی ثقافت ، روایات اور آئین کی کثرت میں وحدت کی ڈوری کو کسی بھی حالت میں کمزور ہونے کی اجازت نہیں دیتا۔ آج نئی دہلی میں بھارتیہ بودھ سنگھ کے زیر اہتمام سماجی ہم آہنگی اور خواتین کے تفویض اختیارات اور پنڈت دین دیال سمرتی سمان پروگرام سے خطاب کرتے ہوئے جناب نقوی نے کہا کہ شمولیت والی ترقی کی راہ میں بہت سی رکاوٹیں آتی ہیں لیکن ہماری کثرت میں وحدت کی طاقت نے ملک کو ترقی کی راہ پر آگے بڑھایا ہے۔
جناب نقوی نے کہا کہ ملک اپنی آزادی کے 75 برس مکمل ہونے کا جشن منارہا ہے۔ جب ہم اپنی آزادی کا جشن منائیں تو ہمیں تقسیم کی ہولناکی کو بھی یاد رکھنا چاہئے۔ ہمیں یاد رکھنا چاہئے کہ تقسیم کی ہولناکی کا ذمہ دار کون تھا، ہمیں یاد رکھنا چاہئے کہ وہ کون لوگ تھے جنھوں نے اپنے ذاتی مفادات کے لئے ہندوستان کے مفادات کو قربان کردیا۔
وزیر موصوف نے کہا کہ مہاتما بدھ کا روحانی انسانیت نوازی اور کرمارخی زندگی کا بامقصد پیغام آج بھی پوری انسانیت کے لئے اہمیت رکھتا ہے۔ روحانی خود اعتمادی کا ان کا پیغام تمام تضادات کو مٹا کر اندرونی سکون اور خودکفالت کی راہ دکھاتا ہے۔
انھوں نے کہا کہ مہاتما بدھ کی خود اعتمادی سے بھر پور شمولیت والے معاشرے کی تعلیمات کو رونا کے دنوں میں سب سے زیادہ بامعنیٰ اور تمام انسانیت کے لئے عزم ثابت ہوئی ہیں۔ بھگوان بدھ کی تعلیمات زیادہ تر سماجی اور ثقافتی پیچیدگیوں کے حل سے متعلق ہیں۔ ان کی سیکڑوں برس پرانی تعلیمات اور ان کے اصول آج بھی قابل عمل ہیں۔
جناب نقوی نے کہا کہ متعدد زبانوں ، مذاہب اور طرز زندگی کے باوجود ہندوستان اپنی ثاقت ، روایات اور مضبوط آئینی اقدار کی وجہ سے ہی متحد ہے۔
جناب نقوی نے کہا کہ گزشتہ سات برسوں کے دوران حکومت نے آئینی اقدار کی پاسداری کے ساتھ تمام لوگوں کی شمولیت کے ساتھ تفویض اختیارات کے لئے کام کیا ہے۔
جناب نقوی نے کہا کہ بھارتیہ بدھ سنگھ جیسی تنظیمیں سماجی اور ثقافتی ہم آہنگی اور قومی اتحاد کو فروغ دینے میں کلیدی رول ادا کررہی ہیں۔
پارلیمانی امور اور ثقافت کے وزیر مملکت جناب ارجن رام میگھوال، اقلیتی امور کے وزیر مملکت جناب جون برلا، بھارتیہ بدھ سنگھ کے قومی صدر بھنتے سنگھ پریا راہل، متعدد مذہبی رہنما اور تعلیم، سماجی ، ثقافتی، صحت اور دیگر شعبوں سے تعلق رکھنے والے ممتاز افراد اس موقع پر موجود تھے۔
