نائب صدر جمہوریہ جناب ایم وینکیا نائیڈو نے اپنی فیملی کے ممبران کے ساتھ آج آندھرا پردیش کے تروپتی میں واقع تیرومالاتروپتی دیوستھانم کا دورہ کیا اور بھگوان وینکٹیشور کی پوجا ارچنا کی۔
پوجا کے بعد میڈیا سے بات کرتے ہوئے جناب نائیڈو نے مندر کا دورہ کرنے پر خوشی کا اظہار کیا اور کہا کہ انہوں نے ملک میں امن اور عوام کی خوش حالی کے لیے دعا کی۔ اس بات کا ذکر کرتے ہوئے کہ روحانیت کچھ اور نہیں بلکہ خدمت کرنے کا جذبہ ہے، انہوں نے کہا کہ بھگوان وینکٹیشور کا درشن کرنے سے انہیں عوام کی مزید خدمت کرنے کا جذبہ حاصل ہوتا ہے۔
جناب نائیڈو نے مزید کہا کہ ہندوستانی ثقافت اور وراثت میں اتحاد، امن اور سماجی ہم آہنگی کی ہمہ گیر اقدار موجود ہیں اور ہر شخص کو ان کی حفاظت کرنے کی پوری کوشش کرنی چاہیے۔ اس موقع پر، نائب صدر نے عقیدت مندوں کو درشن کرنے میں سہولت فراہم کرنے کے لیے مندر کے اہلکاروں کی تعریف کی۔
