14اگست کو 'تقسیم کے دردکایادگار دن' کے طور پر یاد کیا جائے گا
وزیر اعظم نریندر مودی نے ہفتے کے روز اعلان کیا کہ 14 اگست کو یوم تقسیم کے طور پر یاد رکھا جائے گا۔اس حوالے سے ٹویٹ کرتے ہوئے انہوں نے کہا کہ ملک کی تقسیم کا درد کبھی فراموش نہیں کیا جا سکتا۔ نفرت اور تشدد کی وجہ سے، ہمارے لاکھوں بہنوں اور بھائیوں کو بے گھر ہونا پڑا اور یہاں تک کہ اپنی جانوں سے ہاتھ دھو بیٹھنا پڑا۔ ان لوگوں کی جدوجہد اور قربانی کی یاد میں، 14 اگست کو 'ویبھیشن ویبشیکا میموریل ڈے' کے طور پر یاد رکھنے کا فیصلہ کیا گیا ہے۔
وزیر اعظم نے کہا کہ یہ دن نہ صرف ہمیں امتیازی سلوک، دشمنی اور ناپسندیدگی کے زہر کو ختم کرنے کی ترغیب دے گا بلکہ یہ اتحاد، سماجی ہم آہنگی اور انسانی احساسات کو بھی تقویت بخشے گا۔
قابل ذکر ہے کہ ہندوستان کی آزادی کے ساتھ ہی ملک کی تقسیم ہوئی اور پاکستان معرض وجود میں آیا۔ ہندوستان کی یہ تقسیم ہجرت اور لاکھوں لوگوں کے قتل عام کا باعث بنی۔ یہ دن پاکستان میں یوم آزادی کے طور پر منایا جاتا ہے۔
تاریخ میں 15 :اگست
15 اگست کا دن ذہن میں آتے ہی ہندوستان کی آزادی کا خیال سب سے پہلے آتا ہے۔ 14 اور 15 اگست 1947 کی درمیانی رات کو دو ممالک ہندوستان اور پاکستان نے دنیا کے نقشے پر اپنی جگہ بنائی۔ اس سے ایک دن پہلے، ملک کی تقسیم کی ایک الگ کہانی ہے۔ تب سے دونوں ممالک کے تعلقات کئی کروٹ لے چکے ہیں۔ اس کے ساتھ دونوں ممالک کے لیڈروں کی سوچ کی وجہ سے عوام کے درمیان فرق بھی واضح طور پر نظر آتاہے۔ تاہم، 15 اگست سے پہلے ہی، ہندوستان اپنی آزادی کا امرت مہوتسو منا رہا ہے۔ اس دوران ملک میں دو سال تک تہوار کا ماحول رہے گا۔ آج ہندوستان کے کئی کارنامے دنیا کے سامنے نظر آرہے ہیں۔ ہم نے مزید اہداف بھی مقرر کیے ہیں۔
دیگر اہم واقعات:
1519: پاناما شہر بنایا گیا۔
1854: ایسٹ انڈیا ریلوے کی طرف سے چلائی جانے والی پہلی مسافر ٹرین کلکتہ (اب کولکتہ) سے ہگلی تک چلائی گئی۔ سرکاری طور پراس کو چلانے کاسال 1855 بنا۔
1886: عظیم سنت اور مفکر گرو رام کرشن پرم ہنس عرف گدادھر چٹرجی کا انتقال ہوا۔
1947: پنڈت جواہر لال نہرو نے آزاد ہندوستان کے پہلے وزیر اعظم کے طور پر حلف لیا۔
1947: دفاعی بہادری ایوارڈز- پرم ویر چکر، مہا ویر چکر اور ویر چکرکاقیام۔
1975: بنگلہ دیش میں فوجی انقلاب
1950: ہندوستان میں 8.6 شدت کے زلزلے سے 20 سے 30 ہزار افراد ہلاک ہوئے۔
1971: بحرین برطانوی راج سے آزاد ہوا۔
1972: پوسٹل انڈیکس نمبر (PIN) کوڈ ہندوستان میں متعارف کرایا گیا۔
1982: ہندوستان میں قومی سطح پر رنگین نشریات اور ٹی وی کے قومی پروگرام کاآغاز۔
1990: آسمان سے زمین سے فضا میں مار کرنے والے میزائل کاتجربہ۔
2004: لارا تیز ترین 10 ہزار رنز بنانے والے بلے باز بنے۔
2007: جنوبی امریکہ کے ملک پیرو کے مرکزی ساحل پر 8.0 شدت کا زلزلہ آیا۔ تقریبا 500 افراد ہلاک ہوئے
