نئی دہلی، 04 اپریل ( انڈیا نیرٹیو)

 مائیکرو بلاگنگ سائٹ ٹوئٹر نے بڑی تبدیلی کی ہے۔ ٹوئٹر کے سربراہ ایلون مسک نے نیلے رنگ کے پرندے کی جگہ ایک کتے کو ٹویٹر کا نیا لوگوبنایا ہے۔  تاہم یہ تبدیلی ٹوئٹر کے ویب پیج پر ہے۔ ٹوئٹر صارفین کوفی الحال موبائل ایپ پر بلیو برڈ ہی نظر آرہی ہے ۔

مسک نے منگل کو اس حوالے سے ٹویٹ بھی کیا ہے جس کے بعد خیال کیا جا رہا ہے کہ اب ڈاگی ٹوئٹر کا نیا لوگو ہوگا۔ مسک نے ایک ٹویٹ میں ایک صارف کو بتایا کہ جو وعدہ کیا تھا ،اسے پورا کیا۔ تاہم، یہ تبدیلی فی الحال صرف ویب پیج پر نظر آرہی ہے نہ کہ موبائل ایپ پر۔

دراصل ٹوئٹر کے چیف ایگزیکٹو آفیسر (سی ای او) ایلون مسک کے اس فیصلے نے پوری دنیا کو چونکا دیا ہے۔ ٹویٹر کے لوگو نیلے پرندے(آئیکونک بلیو برڈ) کی جگہ اب ایک ڈاگی کی تصویر نے لے لی ہے۔ غورطلب ہے کہ ایلون مسک نے 27 اکتوبر 2022 کو 44 بلین ڈالر میں ٹوئٹر خریداتھا۔

مسک نے ٹوئٹر کا لوگو بدلا، پرندے کی جگہ کتے کی تصویر نے لی

ایلون مسک مائیکرو بلاگنگ سائٹ ٹوئٹر کے مالک بننے کے بعد سے ہی   مسلسل اپنے صارفین کے لییکچھ نہ کچھ چونکا دینے والے کام کر رہے ہیں۔ اس بار انہوں نے ٹوئٹر کا لوگو تبدیل کرکے اپنے صارفین کو حیران کردیا ہے۔

انہوں نے برسوں پرانے نیلے رنگ کے پرندے کو تبدیل کر دیا ہے ۔ اس کی جگہ پیلے رنگ کے ڈاگی کو رکھا گیا ہے۔ یہ ڈاگی ڈاگ کوائن کرپٹو کرنسی کی طرح ہے۔ بتایا جا رہا ہے کہ 2013 میں اس لوگو کو لے کر مذاق  اڑایا گیاتھا۔