نئی دہلی، 09 جنوری

مرکزی وزیر ڈاکٹر جتیندر سنگھ نے پیر کو قومی یوم سائنس 2023 کے موضوع  “عالمی بہبود کے لیے عالمی سائنس”کی نقاب کشائی کی۔

 میڈیا سنٹر میں منعقدہ ایک پریس کانفرنس میں جتیندر سنگھ نے کہا کہ ہندوستان کے 2023 میں داخل ہونے کے ساتھ ہی  یہ تھیم ہندوستان کے ابھرتے ہوئے عالمی کردار اور بین الاقوامی میدان میں اس کی بڑھتی ہوئی ساکھ کی نشاندہی کرتا ہے۔

ڈاکٹر جتیندر سنگھ نے کہا کہ “عالمی بہبود میں عالمی سائنس”کی تھیم بھارت کے ذریعہ جی-20 کی صدارت سنبھالنے کے ساتھ ہی پوری طرح مشابہ  ہے جس سے وہ عالمی یعنی ساؤتھ ایشیا، افریقہ اور جنوبی امریکہ براعظم کے ترقی پذیر ممالک کی آواز بنے گا۔

  انہوں نے کہا کہ ہندوستان نے وزیر اعظم مودی کی قیادت میں ممالک کی برادری وں میں عالمی سطح پر شناخت حاصل کی ہے اور اب ہم عالمی چیلنجوں سے نمٹنے کے لئے نتیجہ پر مبنی عالمی تعاون کے لئے تیار ہیں۔

نیشنل سائنس ڈے (این ایس ڈی) ہر سال 28 فروری کو’رمن ایفیکٹ‘ کی دریافت کی یاد میں منایا جاتا ہے۔ حکومت ہند نے 1986 میں 28 فروری کو نیشنل سائنس ڈے (این ایس ڈی) کے طور پر نامزد کیا۔

 اس دن سر سی وی  رمن نے ‘رمن ایفیکٹ’ کی دریافت کا اعلان کیا، جس کے لیے انہیں 1930 میں نوبل انعام سے نوازا گیا۔ اس موقع پر ملک بھر میں تھیم بیسڈ سائنس کمیونیکیشن سرگرمیاں منعقد کی جاتی ہیں۔