ادب ثقافت اور کھیل کود کے ذریعہ دو ثقافتیں مربوط ہو رہی ہیں: جناب انوراگ ٹھاکر

جناب ٹھاکر نے وارانسی میں واقع سگرا اسٹیڈیم کی جدید کاری کا معائنہ کیا اور جا ئزہ لیا۔ انہوں نے اسٹیڈیم کی جدیدکاری سے متعلق کاموں میں بہتری کے لیے تبدیلیاں لانے کی تجویز پیش کی۔  وارانسی میں اطلاعات و نشریت کی وزارت کے مختلف دفاتر کی اسپیس آڈٹ کا بھی اہتمام کیا۔ انہوں نے کاشی وشوناتھ مندر کادورہ کیا اور پوجا کی۔

وزیر موصوف نے وارانسی میں سگرا اسٹیڈیم کی جدید کاری کا جائزہ لیا

مجمع سے خطاب کرتے ہوئے، جناب انوراگ ٹھاکر نے کہا کہ ’کاشی تمل سنگمم‘ تقریب میں، ادب اور ثقافت کے مختلف پروگراموں کا اہتمام کیا جا رہا ہے اور اسی طرح کھیل کود کے توسط سے شمال و جنوب کو مربوط کرنے سے متعلق پہل قدمیاں بھی انجام دی جا رہی ہیں۔ انہوں نے یہ بھی کہا کہ شمال اور جنوب کے درمیان روابط ہماری دیرینہ روایات ، جو کہ ہزاروں برس سے بھی زیادہ قدیم ہیں، کے عکاس ہیں ۔

جناب انوراگ ٹھاکر نے کاشی تمل سنگمم میں دوستانہ ٹیبل ٹینس میچ کا آغاز کیا

جناب ٹھاکر نے وزیر اعظم کی کاشی تمل سنگمم پہل قدمی کے لیے ان کا شکریہ ادا کیا اور کہا کہ اس زبردست تقریب کے ذریعہ ، ’ایک بھارت شریشٹھ بھارت‘ کے خواب کو پورا کیا جا رہا ہے۔ انہوں نے یہ بھی کہا کہ آج کھلاڑیوں میں جو جوش وجذبہ نظرآرہا ہے، وہی جوش و جذبہ اترپردیش اور تمل ناڈو کی شرکاء ٹیموں کے کھلاڑیوں میں بھی نظر آتا ہے۔

وارانسی میں اطلاعات و نشریات کی وزارت کے مختلف دفاتر کے اسپیس آڈٹ کا اہتمام کیا

جناب ٹھاکر نے کہا کہ تمل ناڈو کے عوام کو نہ صرف ’کاشی وشوناتھ‘ کا دورہ کرنے کا موقع حاصل ہو رہا ہے، بلکہ انہیں اس علاقہ کے فن اور ثقافت سے واقفیت بھی حاصل ہو رہی ہے، جو کہ سب کے لیے باعث فخر ہے۔ انہوں نے اترپردیش اور تمل ناڈو کے تمام تر کھلاڑیوں سے بات چیت کی۔