انڈین پریمیئر لیگ (آئی پی ایل) 2022 کے لیے کھلاڑیوں کی نیلامی میں 590 کرکٹرس شامل ہوں گے۔ کھلاڑیوں کی نیلامی 12 اور 13 فروری 2022 کو بنگلورو میں ہوگی۔

ایک بیان میں کہا گیا ہے کہ نیلامی کے لیے رجسٹرڈ 590 کھلاڑیوں میں سے 228 کیپ، 355 ان کیپڈ اور 7 کا تعلق ایسوسی ایٹ نیشنز سے ہے۔

نیلامی میں شریس ایر، شیکھر دھون، آر اشون، محمد شامی، ایشان کشن، اجنکیا رہانے، سریش رینا، یوزویندر چہل، واشنگٹن سندر، شاردل ٹھاکر، دیپک چاہر، ایشانت شرما، اومیش یادو جیسے بڑے ہندوستانی کھلاڑی شامل ہوں گے۔

ڈیوڈ وارنر، روی چندرن اشون، ٹرینٹ بولٹ، پیٹ کمنس، کوئنٹن ڈی کاک، شیکھر دھون، فاف ڈو پلیسس، شریس ائیر، کگیسو رباڈا اور محمد شامی نے اپنی بیس پرائس2 کروڑ روپے رکھی ہے۔

آئی پی ایل کی دس فرنچائزی ٹیمیں – چنئی سپر کنگس، دہلی کیپٹلس، کولکاتا نائٹ رائیڈرس، لکھنؤ سپر جائنٹس، ممبئی انڈینس، پنجاب کنگس، راجستھان رائلس، رائل چیلنجرس بنگلور، سن رائزرس حیدرآباد اور ٹیم احمد آباد کرکٹرس کے لیے بولی لگائیں گی۔