نئی دہلی ، 03 فروری (انڈیا نیرٹیو)

 آج کا دن ہندستانی کرکٹ کی تاریخ کا ایک بہت یادگار دن ہے۔ سال 2018 کے اس دن ، ہندوستانی یوتھ بریگیڈ نے ریکارڈ چوتھی بار آئی سی سی انڈر 19 ورلڈ کپ ٹائٹل جیتاتھا۔ ہندستانی ٹیم نے ٹائٹل میچ میں آسٹریلیا کو آٹھ وکٹوں سے شکست دی تھی۔

ٹورنامنٹ میں پرتھوی شا کی قیادت والی ہندوستانی ٹیم ناقابل تسخیر تھی۔ ہندوستانی ٹیم نے ٹورنامنٹ کے تمام چھ میچ جیتے۔ سیمی فائنل میں ہندستانی ٹیم نے مقابل حریف پاکستان کو 203 رنز سے شکست دی۔ 

 آسٹریلیا کے خلاف ٹائٹل میچ میں 217 رنز کے ہدف کے تعاقب میں ، ہندستان نے اوپنر منجوت کالرا کے ناقابل شکست 101 اور وکٹ کیپر ہاردک دیسائی کے ناقابل شکست 47 رنز کی بدولت 38.5 اوور میں کامیابی حاصل کی۔ ہندستان نے اوپنرز پرتھوی شا اور کالرا کے ساتھ شاندار کھیل کا آغاز کیا اور پہلی وکٹ کے لیے 71 رن کی شراکت کی تھی ۔