Urdu News

افغانستان کی جیت سے غمزدہ قوم جی اٹھی ، افغانستان میں جشن کا ماحول

افغانستان کی جیت سے غمزدہ قوم جی اٹھی ، افغانستان میں جشن کا ماحول

افغانستان کی فتح قوم کے مسکرانے کی وجہ بنی: راشد خان

کابل،26اکتوبر(انڈیا نیرٹیو)

افغانستان کرکٹ ٹیم کے نوجوان کھلاڑی اور لیگ اسپنر راشد خان کا ٹی ٹوئنٹی ورلڈکپ میں شاندار کامیابی سمیٹنے پر کہنا ہے کہ اسکاٹ لینڈ کے خلاف میچ میں ہماری جیت قوم کے مسکرانے کی وجہ بنی۔انہوں نے ٹوئٹر میچ کی کچھ تصاویر شیئر کیں اورقوم کے نام پیغام میں  لکھا کہ ’سب لوگوں کو زبردست آغاز مبارک ہو، مجھے امید ہے کہ اس جیت نے آپ کو مسکرانے اور جشن منانے کے لیے کچھ دیا ہے۔‘راشد خان نے عزم کا اظہار بھی کیا کہ انشاء  اللہ ہم بہترین پرفارمنس دیں گے   اور ملک و قوم کا سر فخر سے بلند کریں گے۔خیال رہے کہ ٹی ٹوئنٹی ورلڈ کپ میں افغان بیٹسمینوں کی دھواں دار بیٹنگ کے بعد اسپنر مجیب الرحمن نیتباہ کن بولنگ کرتے ہوئے اسکاٹ لینڈ کو یکطرفہ شکست سے دوچار کیا۔

افغانستان کی جیت سے غمزدہ قوم جی اٹھی ہے: اشرف غنی

سابق افغان صدر اشرف غنی نے بھی ٹی ٹوئنٹی ورلڈکپ میں افغانستان کی اسکاٹ لینڈ کیخلاف شاندار فتح پر پیغام جاری کیا ہے۔اشرف غنی نے اپنے ٹوئٹر اکاؤنٹ پر جاری پیغام  میں کہا کہ ورلڈ ٹی ٹوئنٹی میں اسکاٹ لینڈ کے خلاف قومی افغان کرکٹ ٹیم کے ہیروز کی فتح پر عظیم افغان قوم کو مبارکباد!

انہوں نے یہ بھی کہا کہ میچ میں شاندار کامیابی سمیٹنے والے کرکٹرز آج ایک غمزدہ قوم کے چہرے پر مسکراہٹ لائے اور سب کے دلوں میں نئی امیدیں جگائیں کہ یہ قوم زندہ ہے اور اسے کوئی یرغمال نہیں بنا سکتا۔خیال رہے کہ ٹی ٹوئنٹی ورلڈ کپ میں افغان بیٹسمینوں کی دھواں دار بیٹنگ کے بعد اسپنر مجیب الرحمن نیتباہ کن بولنگ کرتے ہوئے اسکاٹ لینڈ کو یکطرفہ شکست سے دوچار کیا۔مجیب الرحمن نے30 رنز دے کر پانچ اور راشد خان نے 9رنز کے عوض چار کھلاڑیوں کو ا?ؤٹ کیا۔ افغانستان نے اسکاٹ لینڈ کے خلاف میچ با آسانی130رنز سے جیت لیا۔

Recommended