کرسٹیانو رونالڈ
گزشتہ کچھ عرصے کے آوٹ آف فارم چل رہے کرسٹیانو رونالڈو آخرکار فارم میں واپس آگئے ہیں۔
انگلش پریمیئر لیگ میں مانچسٹر یونائیٹڈ اور ایورٹن کے درمیان کھیلے گئے میچ کے دوران پرتگال کے اس لیجنڈری فٹبالر نے بہترین کھیل کا مظاہرہ کرتے ہوئے مانچسٹر یونائیٹڈ کو2-1 سے جیت دلا نے اہم کردار ادا کیا۔اس میچ کے دوران انہوں نے ایک کارنامہ بھی اپنے نام کرلیا۔ وہ کلب کی سطح پر 700 گول کرنے والے پہلے کھلاڑی بن گئے ہیں۔
گڈیسن پارک میں کھیلے گئے میچ میں ایورٹن کی ٹیم نے اس میچ کے پانچویں منٹ میں گول کیا اور مانچسٹر یونائیٹڈ کی ٹیم پیچھے چل رہی تھی۔
ایلکس ایوبی نے گول کرتے ہوئے اپنی ٹیم کو برتری دلادی لیکن مانچسٹر یونائیٹڈ جلد ہی واپسی کی اورمیچ کے 15ویں منٹ میں انٹونی نے گول کر کے اپنی ٹیم کو برابری پر لادیا۔
اس کے بعد کرسٹیانو رونالڈو انتھونی مارشل کے زخمی ہونے کے بعد سبٹی ٹیوٹ کے طور پر میدان میں اترے اور سیزن کا اپنا پہلا پریمیئر لیگ گول کرنے میں صرف 14 منٹ کا وقت لیا۔
کرسٹیانو رونالڈو نے کیسمیرو کے پاس پر زبردست گول کر کے اپنی ٹیم کو برتری دلا دی۔
اس کے بعد ایورٹن کی ٹیم واپسی نہ کر سکی اور مانچسٹر یونائیٹڈ نے شاندار فتح حاصل کی۔ اس جیت کے ساتھ ہی مانچسٹر یونائیٹڈ کی ٹیم پوائنٹس ٹیبل میں پانچویں نمبر پر پہنچ گئی ہے۔
واضح ہو کہ کلب کی سطح پر کرسٹیانو رونالڈو نے 700 گول اسکور کیے ہیں، جن میں سے انہوں نے اسپورٹنگ کلب پرتگال کے لیے 5 گول، مانچسٹرسٹی فٹبال کلب کے لیے رونالڈو کے 450 اور جووینٹس فٹبال کلب کے لیے 101 گول کیے، جب کہ مانچسٹر یونائیٹڈ کے لیے ان کے گولوں کی تعداد اب بڑھ کر 144 ہو گئی ہے۔
رجنی کانت کی ’جیلر‘ جمعرات کو ریلیز ہوئی۔ فلم کو پہلے دن سینما گھروں میں…
مضمون نگار: زبیر قریشی میری ماٹی، میرا دیش مہم نے وسطی کشمیر کے گاندربل ضلع…
جموں و کشمیر کی یونین ٹیریٹری میں تنظیم نو کے بعد ہونے والی اہم تبدیلیوں…
شمالی کشمیر کے ضلع بانڈی پورہ سے تعلق رکھنا والا محمد مقبول ڈار نامی قالین…
زعفران کی جی آئی ٹیگنگ کے بعد، کسانوں نے اس کی پیداوار میں اضافہ کیا…
سری نگر میں، لال چوک پر نئے تجدید شدہ تاریخی کلاک ٹاور ایک خوشگوار حیرت…