اے آر رحمان نے فلم 'لگان' کا گانا چلے چلو مہیندر سنگھ دھونی کو کیا ڈیڈیکیٹ

ممبئی ، 17اپریل (انڈیا نیرٹیو)

آسکر ایوارڈ یافتہ موسیقار اے آر رحمان نے چنئی سپر کنگس (سی ایس کے) کے کپتان مہندر سنگھ دھونی کو فلم لگان کا یہ گانا 'چلے چلو' کو ڈیڈیکیٹ کرتے ہوئے کہا کہ وہ ایک ساتھ کھیلنے کی ترغیب دیتے ہیں۔ اس کے علاوہ ، الرحمن نے فلم رنگیلا کا گانا 'منگتا ہے کیا'کو سی ایس کے کے آل راو نڈر سریش رینا کو بھی وقف کیا۔

اسٹار اسپورٹس کے شو کرکٹ لائیو میں ، رحمن نے سی ایس کے اسٹار دھونی اور ریناکو گانے وقف کرتے ہوئے کہا کہ ، "میں فلم لگان کا گانا 'چلے چلو' ایم ایس دھونی کے لئے وقف کرنا چاہتا ہوں ، کیونکہ وہ لوگوں کو ایک ساتھ کرکٹ کھیلنے کے لئے حوصلہ افزائی کرتے ہیں اور سریش رینا کو گانا 'منگتا ہے کیا' وقف کرنا چاہوں گا ، کیونکہ جب بھی میں بنگلورگیا ، میں نے رینا کو رنگیلا کے بہت سارے گانے سنتے ہوئے دیکھا ۔"

اس سے قبل اسی پروگرام میں ہندوستانی کرکٹ ٹیم کے سابق اوپنر گوتم گمبھیر نے کہا تھا کہ چنئی سپر کنگز کے کپتان مہندر سنگھ دھونی کو فرسٹ آرڈر میں بیٹنگ کرنے کی ضرورت ہے۔

گمبھیر نے کہا ، "دھونی کو فرسٹ آرڈر میں بیٹنگ کی ضرورت ہے ، کیونکہ تب ہی وہ سامنے سے قیادت کرسکتے ہیں۔ ہم اس بات کاذکر کرتے ہیں کہ ایک کپتان کو سامنے سے قیادت کرنے کی ضرورت ہے۔ جب آپ ساتویں نمبر پر بیٹنگ کررہے ہیں تو ، آپ قیادت نہیں کرسکتے۔"

واضح رہے کہ آئی پی ایل 2021 کے پہلے میچ میں چنئی کی ٹیم نے دہلی کیپیٹل کو سات وکٹوں سے شکست دی تھی۔ چنئی کا آج اپنے دوسرے میچ میں پنجاب کنگس سے مقابلہ ہوگا۔

دھونی کو اپر آرڈر میں بیٹنگ کرنے کی ضرورت ہے: گوتم گمبھیر

ہندوستانی کرکٹ ٹیم کے سابق اوپنر گوتم گمبھیر نے کہا کہ چنئی سپر کنگس کے کپتان مہندر سنگھ دھونی کو اوپری آرڈر میں بیٹنگ کرنے کی ضرورت ہے۔

گمبھیر نے اسٹار اسپورٹس کے شو کرکٹ لائیو میں کہا ، "دھونی کو اوپری آرڈر میں بیٹنگ کرنے کی ضرورت ہے ، کیونکہ تب ہی وہ سامنے سے بڑھ کر قیادت کرسکتے ہیں۔ ہم اس با ت کا ذکر کرتے ہیں کہ ایک کپتان کو سامنے سے قیادت کرنے کی ضرورت ہے۔ جب آپ ساتویں نمبر پر بیٹنگ کررہے ہیں تو آپ قیادت نہیں کرسکتے“۔ 

گمبھیر نے مزید کہا ،”دھونی اب وہ نہیں رہے جو وہ چار پانچ سال پہلے ہوا کرتے تھے ، جہاں وہ آکرگیندبازوں کو اپنی دھن پر نچایا کرتے تھے۔ میرے لئے،مجھے لگتا ہے کہ دھونی کو نمبر چارپانچ پر بلے بازی کرنے کی ضرورت ہے“۔ 

چنئی کی ٹیم کو آئی پی ایل۔ 2021 کے پہلے میچ میں دہلی کپیٹلس نے سات وکٹوں سے شکست دی تھی۔ چنئی کا آج اپنے دوسرے میچ میں پنجاب کنگس سے مقابلہ ہوگا۔