بورڈ آف کنٹرول فار کرکٹ ان انڈیا (بی سی سی آئی) نے خواتین کی پریمیئر لیگ (ڈبلیو پی ایل) سیزن 2023-2027 کے لیے ٹائٹل اسپانسرشپ کے حقوق ٹاٹا گروپ کو دے دیے ہیں۔ ٹاٹا گروپ اس مدت کے دوران اپنے دو پرچم بردار برانڈز: ٹاٹا کیپٹل اور ٹاٹا موٹرز کو فروغ دے گا۔

ڈبلیو پی ایل کے افتتاحی ایڈیشن نے ہندوستان میں خواتین کی کرکٹ میں ایک نئے دور کا آغاز کیا، جس میں ہندوستانی کرکٹ ٹیم کی کپتان ہرمن پریت کور،اسمرتی مندھانا، دیپتی شرما، شیفالی ورما (انڈیا انڈر 19 ٹیم کی کپتان)، جمیما روڈریگس، ریچا گھوش، ایلیسا ہیلی، ڈینڈرا ڈوٹن، ایلیس پیری، سوفی ایکلسٹن اور سوفی ڈیوائن جیسے ستارے شامل ہیں۔

ڈبلیو پی ایل کا پہلا ایڈیشن 22 میچوں پر مشتمل ہوگا اور اس میں پانچ ٹیمیں شامل ہوں گی – دہلی کیپٹلز، گجرات جائنٹس، ممبئی انڈینز، رائل چیلنجرز بنگلور اور یوپی واریئرز۔ یہ باوقار ٹورنامنٹ 04 مارچ سے 26 مارچ 2023 تک ممبئی کے بریبورن اسٹیڈیم اور ڈی وائی پاٹل اسٹیڈیم میں کھیلا جائے گا۔

بی سی سی آئی کے صدر راجر بنی نے کہا، “ہم ڈبلیو پی ایل کے ٹائٹل اسپانسر کے طور پر ٹاٹا گروپ کو بورڈ میں شامل کرنے پر واقعی خوش اور پرجوش ہیں۔

 ہمیں لگتا ہے کہ یہ سب سے اہم پیش رفت ہے جس سے خواتین کی کرکٹ کی مقبولیت میں مزید اضافہ ہوگا۔ خواتین نے قوم کا سر فخر سے بلند کرنے میں کوئی کسر نہیں چھوڑی ہے اور ڈبلیو پی ایل ہندوستان میں خواتین کی کرکٹ کے عروج کا اشارہ دینے کے لیے ایک قدم ہے۔