دوردرشن پر میچ دیکھنے والوں کے لیے خوشخبری ہے۔ بھارت میں کرکٹ کے جنون کو مدنظر رکھتے ہوئے، آئی سی سی ٹی 20 ورلڈ کپ میچوں کا براہ راست ٹیلی کاسٹ، ریڈیو کمنٹری اور خصوصی شو دوردرشن اور آل انڈیا ریڈیو پر ٹیلی کاسٹ کیے جائیں گے۔

آل انڈیا ریڈیو 23 اکتوبر سے دور درشن پر ہندی اور انگریزی میں تمام میچوں کی براہ راست   کمنٹری نشر کرے گا۔ اس کے علاوہ ڈی ڈی اسپورٹس اور ٹی 20 ورلڈ میں بھارتی کرکٹ ٹیم کے میچوں سمیت سیمی فائنل اور فائنل میچز ٹیلی کاسٹ کیے جائیں گے۔

اس بار دوردرشن پر ٹی 20 ورلڈ کپ دیکھنے کو مزید دلچسپ   بنانے کے لیے، ڈی ڈی اسپورٹس نے متعدد ایونٹس کی منصوبہ بندی کی ہے جن میں عوامی شرکت شامل ہے۔

دوردرشن کے شو میں 'کرکٹ لائیو'  نام کے شو میں 'پبلک کا  کپتان' (جس میں عام لوگوں کو کپتان کی ٹوپی پہننے اور بطور کپتان اہم فیصلے لینے کے لیے کہا جائے گا)، 'آر جے کا کرکٹ فنڈا' (ایک اور دلچسپ ٹاک شو) شو جس میں آل انڈیا ریڈیو جوکی کرکٹ ماہرین کے ساتھ ڈی ڈی اسپورٹس پر عوام کے ساتھ بات چیت کریں گے)  وغیرہ شامل ہے۔