جاپان کے دارالحکومت ٹوکیو میں کھیلے جا رہے اولمپک کھیلوں میں کانسے کا تمغہ جیتنے کا دیپک پونیا (86 کلوگرام) کا خواب چکنا چور ہو گیا۔دیپک کو کانسے کے مقابلے میں سین میرینو پہلوان نجممائلس امین کے ہاتھوں 2-4 سے شکست کا سامنا کرنا پڑا۔ دیپک نے مائلس کو سخت ٹکر دی لیکن میچ کے آخری لمحات میں یہ ہندوستانی پہلوان فتح سے دور رہ گیا۔ وزیر اعظم نریندر مودی نے دیپک کو ملیشکست پر دیپک کی حوصلہ افزائی کی۔

دیپک کا دفاع پورے میچ میں شاندار تھا لیکن سین میرینو کے پہلوان نے آخری لمحات میں ہندوستانی پہلوان کی دائیں ٹانگ پکڑ کر انہیں گراکر فیصلہ کن دو پوائنٹس حاصل کئے۔ اس سے قبل 22 سالہ بھارتی پہلوان 2-1 سے آگے تھا۔ دیپک نے سیمی فائنل تک پہنچنے کے لیے اچھے ڈرا کا فائدہ اٹھایا لیکن سیمی فائنل میں امریکہ کے ڈیوڈ مورس ٹیلر سے ہار گئے۔ اس نے پہلے نائجیریا کے ایکیریکیمے ایگیمور کو تکنیکی برتری کے ساتھ اور پھر کوارٹر فائنل میں چین کے جوشین لن کے خلاف 6-3 سے شکست دی تھی۔

ملک کے وزیر اعظم نریندر مودی نے کانسے کے تمغے سے محروم رہنے والے دیپک پونیا کی حوصلہ افزائی کرتے ہوئے ٹویٹ کرتے ہوئے لکھا،’دیپک پونیا بہت قریب پہنچ کر کانسہ حاصل کرنے سے چوک گئے، لیکن انہوں نے ہم سب کا دل جیت لیا۔ وہ ہنر اور صبر کا پاور ہاؤس ہیں۔ مستقبل کے لیے میری نیک خواہشات دیپک کے ساتھ ہیں‘۔