یوروکپ ۔2020کا تاج اٹلی کے سرسجا

لندن،12جولائی(انڈیا نیرٹیو)

یورو کپ فٹبال فائنل میں اٹلی نے انگلینڈ کو شکست دے دی ہے۔ یورو کپ مقابلہ انگلینڈ اور اٹلی کے درمیان  گزشتہ شب کھیلا گیا جس میں اٹلی خطابی چمپئین بنا، اٹلی کی طرف سے تین گول کیے گئے تاہم انگلینڈ دو ہی گول کرسکا۔ اس طرح اٹلی نے انگلینڈ کو شکست دے ٹرافی اپنے نام کر لیا۔ 

مقررہ وقت میں ایک ایک گول سے میچ برابر ہونے کے سبب میچ کو فیصلہ کن بنانے کے لیے 30 منٹ کا اضافی وقت دیا گیا۔مگر اضافی وقت میں بھی کوئی ٹیم گول نہ کرسکی جس کے بعد یورو کپ چمپئن شپ کا فیصلہ پنالٹی شوٹ شوٹ آؤٹ پر کیا گیا جس میں اٹلی نے دو کے مقابلے میں تین گول کئے۔

انگلینڈ نے میچ کے شروع ہوتے ہی اٹلی کیخلاف گول کر کے برتری حاصل کرلی تھی تاہم اٹلی کے لیونارڈو بنوچی نے کھیل کے 67 منٹ میں گول کر کے انگلینڈ کی برتری ختم کردی تھی۔