دوحہ، 14 دسمبر (انڈیا نیرٹیو)

 فیفا ورلڈ کپ کے پہلے سیمی فائنل میچ میں ارجنٹینا نے جارحانہ کھیل کی بدولت کروشیا کو 3-0 سے شکست دے کر فائنل میں رسائی حاصل کر لی ۔ اس جیت کے بعد لیونل میسی کی ٹیم ارجنٹینا اب تیسری بار خطاب جیتنے سے صرف ایک قدم دور ہے۔فائنل میں اس کا مقابلہ فرانس اور مراکش کے درمیان ہونے والے دوسرے سیمی فائنلکی فاتح ٹیم سے ہوگا۔

ورلڈ کپ کا پہلا سیمی فائنل میچ منگل کی رات دیر گئے لوسیل اسٹیڈیم میں کھیلا گیا۔ تقریباً 80000 شائقین کی گنجائش والا لوسیل اسٹیڈیم کھچا کھچ بھرا ہوا تھا۔ میچ کے لیے دونوں ممالک کے سپورٹرز کا جوش و خروش پورے شباب پر تھا۔

 میچ کا پہلا گول ارجنٹینانے کیا۔ ارجنٹینا کو 34ویں منٹ میں پنالٹی شاٹ ملا جسے کپتان لیونل میسی نے گول میں تبدیل دیا۔ اس کے بعد 39ویں منٹ میں جولین الواریز نے ارجنٹینا کی جانب سے دوسرا گول کر کے اپنی ٹیم کو 2-0 کی برتری دلا دی۔

میچ کے پہلے ہاف میں ارجنٹینا کے کھلاڑیوں کا پلڑا بھاری رہا۔ دوسرے ہاف  میں بھی ارجنٹینا کے کھلاڑی کروشیا پر حاوی رہے۔ میچ کے 70ویں منٹ میں ارجنٹینا کے کپتان میسی کے شاندار پاس کو اسٹرائیکر جولین الواریز نے گول میں تبدیل کر اپنی ٹیم کو 3-0 کی برتری دلا دی۔

پورے میچ میں کروشین کھلاڑی دباؤ میں کھیلتے نظر آئے۔اس دوران کروشیا کی ٹیم نے کچھ اچھے موو بنائے لیکن گول میں تبدیل کرنے کے لئے اچھے فنشر کی کمی واضح طور پر نظر آئی۔

قابل ذکر ہے کہ ارجنٹینا کے پاس تیسری بار فیفا ورلڈ کپ جیتنے کا سنہری موقع ہے۔ اب وہ تیسری بار خطاب جیتنے  سے محض ایک قدم دور ہیں۔ ارجنٹینا اب تک دو بار 1978 اور 1986 میں خطاب جیت چکا ہے۔