نئی دہلی / پیرس ، 14 جون (انڈیا نیرٹیو)
سربیا کے نوواک جوکووچ نے سخت لڑائی کے بعد یونان کے اسٹیفانو ستِسیپاس کو ہرا کر 2021 اوپن کا ٹائٹل جیت لیا ہے۔ اتوار کو کھیلے گئے میچ میں جوکووچ نے ستسیسپاس کو 6-7 ، 2-6 ، 6-3 ، 6-2 اور 6-4سے شکست دیکر 19 واں گرینڈ سلیم ٹائٹل لیاہے۔
عالمی نمبر ایک ٹینس کھلاڑی نوواک جوکووچ دوسرا فرنچ اوپن ٹائٹل ہے۔ اس سے قبل انہوں نے یہ اعزاز 2016 میں جیتا تھا۔
نوواک جوکووچ نے سنسنی خیز پانچ سیٹ میچ میں فرنچ اوپن 2021 کے فائنل میچ میں اسٹیفانوستسسیپاس کو شکست دی۔ یہ میچ کل چار گھنٹے 11 منٹ تک جاری رہا۔ پہلا سیٹ ایک گھنٹہ 12 منٹ تک جاری رہا ، جس میں ستسیپاس نے 7-6 (8-6) سے کامیابی حاصل کی۔ مقابلہ کا دوسرا سیٹ بھی سِتسیپاس کے نام رہا۔
اس کے بعد جوکووچ نے تیسرے سیٹ میں واپسی کی اور اسے 6-3 سے اپنے نام کرلیا۔ اس کے بعد چوتھا سیٹ بھی آسانی سے 6-2 سے جیت لیا۔ اس کے بعد میچ دلچسپ ہوگیا۔ لیکن جوکووچ نے میچ پر اپنی گرفت برقرار رکھی اور اسے اپنے نام کرلیا۔
اوپن ایرا میں چار گرینڈ سلیم کودوبارجیتنے والے پہلے مرد کھلاڑی بن گئے ہیں۔ جوکووچ کے علاوہ آسٹریلین ٹینس کے راڈ حوض اور رائے ایمرسن، دو مرتبہ یا اس سے زیادہ کے تمام گرینڈ سلیم خطاب جیت چکے ہیں۔
سچن ، لکشمن نے نوواک جوکووچ کو فرنچ اوپن ٹائٹل جیتنے پر مبارکباد پیش کی
سابق ہندوستانی کرکٹرز سچن تندولکر اور وی وی ایس لکشمن نے اتوار کے روز عالمی نمبر ایک ٹینس پلیئر نوواک جوکووچ کی فرنچ اوپن ٹائٹل جیتنے کی تعریف کی اور مبارکباد پیش کی۔
جوکووچ نے ٹائٹل میچ میں یونان کے اسٹیفانوس تِسیپاس کو شکست دینے کے بعد اپنے کیریئر میں دوسری بار فرنچ اوپن کا اعزاز حاصل کیا۔ جوکووچ نے چار گھنٹے سے زیادہ جاری رہنے والے میچ میں ستسپاس کو 6-7 ، 2-6 ، 6-3 ، 6-2 ، 6-4 سے شکست دی۔
جہاں تندولکر جوکووچ کی’ذہنی استقلال ‘کی تعریف کی ،وہیں لکشمن نے جوکووچ کی ’انتہائی خود اعتمادی‘ کی تعریف کی۔
سچن نے ٹویٹ کیا ’کیا فائنل ہے، سر چکرادینے والا۔چند مشکل میچوںنوواک نے شاندار واپسی کی،وہ جسمانی اورذہنی طور پر بھی کافی مضبوط تھے جس کی وجہ سے انہوں نے فائنل جیت لیا۔
لکشمن نے ٹویٹ کیا ’نوواک جوکووچ کو 19 ویں گرینڈ سلیم جیتنے پر بہت بہت مبارکباد۔پچھڑنے کے بعدواپس آنا ، اور جس طرح سے انہوں نے جیت حاصل کی ، انہوںنے بے حد اعتماد اور ذہنی استقلال کا مظاہرہ کیا۔ سچے چیمپیئن۔“
