گواسکر کی72 ویں سالگرہ پر، لکشمن اور جے شاہ نے مبارک باد دی

نئی دہلی، 10 جولائی (انڈیا نیرٹیو)

سابق بھارتی کرکٹ ٹیم کے کپتان سنیل گواسکر آج اپنی 72 ویں سالگرہ منا رہے ہیں۔ سابق ہندوستانی بلے باز وی وی ایس لکشمن اور بورڈ آف کنٹرول برائے کرکٹ ان انڈیا (بی سی سی آئی) کے سکریٹری جے شاہ نے اس موقع پر ان کومبارک باددی ہے۔

لکشمن نے ٹویٹ کیا، " میرے بچپن کے ہیرو سنیل گواسکر کو یوم پیدائش کی بہت بہت مبارک باد۔ انہوں نے بہت سارے نوجوان ہندوستانی بلے بازوں میں بلا خوف و خطر دنیا کے بہترین بولروں کا مقابلہ کرنے کی ہمت اور اعتماد پیداکیا۔آپ کادن اورسال شانداررہے۔" سنی بھائی! "

جے شاہ نے کہا کہ گواسکر نے تیز بولروں کا سامنا کرتے ہوئے جس جر ات کا مظاہرہ کیا وہ ہمیشہ بے مثال رہے گا۔شاہ نے ٹویٹ کیا، " ہندوستانی کرکٹ کے 10ہزار ٹیسٹ رنز اسکور کرنے والے پہلے بلے باز کی عمدہ بلے بازی اور 72 ویں سالگرہ مبارک۔

بورڈ آف کنٹرول فار کرکٹ ان انڈیا (بی سی سی آئی) نے بھی گواسکر، جو ایک بہترین بلے باز ہیں، کی 72 ویں سالگرہ کے موقع پر مبارکباد پیش کی۔

بی سی سی آئی نے ٹویٹ کیا، "1983 ورلڈ کپ کا فاتح، 233 بین الاقوامی میچ، 13ہزار،214 بین الاقوامی رنز، ٹیسٹ میں 10ہزاررن بنانے والے پہلے کھلاڑی، ٹیم انڈیا کے کپتان اور سنیل گواسکرکو سالگرہ کی بہت ساری مبارک باد۔"

انڈین پریمیر لیگ (آئی پی ایل) کی فرنچائزز چنئی سپر کنگز (سی ایس کے) اور ممبئی انڈینز نے بھی گواسکر کو ان کی سالگرہ کی مبارک باد پیش کی۔