Urdu News

چوتھے ٹی ٹونٹی میں ہندوستان نے انگلینڈ کو آٹھ رنز سے شکست دی

چوتھے ٹی ٹونٹی میں ہندوستان نے انگلینڈ کو آٹھ رنز سے شکست دی

ہندوستان نے انگلینڈ کو چوتھے ٹی ٹونٹی میچ میں 8 رنز سے شکست دے کر 5 میچوں کی سیریز میں 2-2 کے برابر ی کرلی ۔ اس سنسنی خیز مقابلے میں ہندوستانی ٹیم نے پہلے بیٹنگ کرتے ہوئے 20 اوورز میں 8 وکٹوں پر 185 رنز بنائے۔ جواب میں انگلینڈ کی ٹیم 20 اوورز میں 8 وکٹوں کے نقصان پر صرف 177 رنز بنا سکی۔ انگلینڈ کی جانب سے جیسن رائے نے 40 ، بین اسٹوکس نے 46 اور جانی بیئرسٹو نے 25 رنز بنائے۔

186 رنز کے ہدف کے تعاقب میں انگلش ٹیم کا آغاز خراب تھا اور تیسرے اوور میں بھونیشور کمار نے آخری میچ کے ہیرو جوس بٹلر کو 15 کے مجموعی رن پرکے ایل راہل کے ہاتھوں کیچ کرایا۔ بٹلر نے 09 رنز بنائے۔ 8 ویں اوور میں 60 کے مجموعی اسکور پر ، راہل چاہر نے ڈیوڈ ملن (14) کو کلین بولڈکیااور انگلینڈ کو دوسرا دھچکا دیا۔ اگلے ہی اوور میں ، ہاردک پانڈیا نے 66 کے مجموعی اسکور پر سوریا کمار یادو کے ہاتھوں جیسن رائے کو کیچ دے کر انگلینڈ کو بڑا دھچکا دیا۔ رائے نے صرف 27 گیندوں پر 40 رنز بنائے۔

اس کے بعد جانی بیئرسٹو اور بین اسٹوکس کے مابین 36 گیندوں پر 65 رنز کی تیز شراکت قائم ہوئی۔ 131 کے مجموعی اسکور پر ، اس شراکت کو راہل چاہر نے توڑا ، اور بیئرسٹو کو واشنگٹن سندر کے ہاتھوں کیچ کرایا۔ بیئرسٹو نے 19 گیندوں پر دو چوکوں اور ایک چھکے کی مدد سے 25 رنز بنائے۔

انگلینڈ کو آخری اوور میں 23 رنز درکار تھے۔ جوفرا آرچر نے شاردال ٹھاکر کی دوسرے اور تیسرے گیندپر چھکے اور ایک چوکے کی مدد سے میچ میں سنسنی پیدا کردی۔ شاردال نے چوتھی اور پانچویں گیندیں وائیڈ پھینکیں۔ چھٹی گیند پر آرچر نے 1 رن لیا۔ اب انگلینڈ کو دو گیندوں پر 09 رنز درکار تھے۔ اگلی ہی گیند پر شاردال نے کرس جورڈن (12) کو ہاردک کے ہاتھوں کیچ کرایا ۔اس طرح انگلینڈ کی امیدوں کو ختم کیا۔

Recommended