بھارت نے سری لنکا کے خلاف پہلی اننگ میں 516 رن کا ہندسہ عبور کرتے ہی ایک نیا ریکارڈ بنا دیا۔ یہ موہالی کے پنجاب کرکٹ ایسوسی ایشن آئی ایس بندرا اسٹیڈیم میں ایک اننگ میں ٹیم انڈیا کا سب سے زیادہ اسکور ہے۔ اس اننگ کے ساتھ بھارت نے پاکستان کے خلاف 17 سال قبل بنایا گیا اپنا ہی ریکارڈ توڑ دیا ہے۔ سوربھ گانگولی کی کپتانی میں ٹیم انڈیا نے اس گراؤنڈ پر 2005 میں پاکستان کے خلاف 516 رن بنائے تھے۔ 17 سال تک اس گراؤنڈ پر یہ اسکور ہندوستانی ٹیم کا ایک اننگ میں سب سے زیادہ اسکور تھا۔ رویندر جڈیجہ اور رشبھ پنت نے اس ریکارڈ کو توڑنے میں اہم کردار ادا کیا۔ پنت نے 96 رن بنائے، جڈیجہ 160 رن بنا کر ناٹ آؤٹ رہے۔
2005 میں کھیلے گئے اس دوران وریندر سہواگ نے 173 رن کی بہترین اننگ کھیلی، جب کہ سچن تیندولکر (94)، وی وی ایس لکشمن (58) اور راہل ڈراوڈ (50) نے نصف سنچری اسکور کیں۔ لیکن یہ ٹیسٹ ڈرا رہا۔
اسی میدان پر بھارت نے 1997 میں سری لنکا کے خلاف 515 رن بنائے تھے، اس دوران نوجوت سنگھ سدھو (131) اور سوربھ گانگولی (109) نے سنچریاں اسکور کی تھیں۔ یہ میچ بھی ڈرا رہا۔
موہالی میں 14 میں سے 5 ٹیسٹ ڈرا ہوئے ہیں
موہالی کے اس گراؤنڈ پر اب تک 14 ٹیسٹ میچ کھیلے جا چکے ہیں، جس میں 5 ٹیسٹ ڈرا ہوئے ہیں، جب کہ ٹیم انڈیا نے یہاں 7 میچ جیتے ہیں اور اسے ایک میچ میں شکست کا منہ دیکھنا پڑا ہے۔ اس گراؤنڈ پر بھارت کی واحد شکست 1994 میں ویسٹ انڈیز کے ہاتھوں ہوئی تھی، یہ اس گراؤنڈ پر کھیلا جانے والا پہلا ٹیسٹ تھا۔ اس کے بعد ٹیم انڈیا یہاں کبھی نہیں ہاری ہے۔
