بھارتی فوج کی 4/5 گورکھا رائفلز (فرنٹیئر فورس) کی ایک ٹیم نے برطانیہ کے ویلز میں  کیمبرین پٹرول مشق میں ہندوستانی فوج کی نمائندگی کرتے ہوئے طلائی تمغہ جیتا۔

برطانوی فوج کے زیر اہتمام ایکس کیمبریئن پٹرول کو دنیا بھر کی فوجوں کے درمیان فوجی گشت کے اولمپکس کے نام سے جانا جاتا ہے۔ ہندوستانی دستے نے اس ایونٹ میں حصہ لینے والی کل 96 ٹیموں کا  مقابلہ کیا، جس میں  دنیا بھر سے  خصوصی دستوں اور اہم ریجیمنٹوں کی  نمائندگی کرنے والی 17بین الاقوامی ٹیمیں شامل تھیں۔

مشق کے دوران ان دستوں نے مشکل علاقے اور انتہائی سرد موسم میں مظاہرہ کیا۔ مشق کے دوران دنیا  کی انتہائی مشکل حالات کے علاوہ مختلف چیلنجوں کا سامنا کیا گیا تاکہ جنگ کی حالات میں ان کا مقابلہ کیا جا سکے۔  مبصرین کے طور پر شامل ججوں نے انڈین آرمی ٹیم کی عمدہ بحری مہارت، گشت کے احکامات کی تکمیل اور مجموعی جسمانی صلاحیت کی تعریف کی۔

برطانوی فوج کے چیف آف جنرل اسٹاف جنرل سر مارک کارلٹن اسمتھ نے ایک رسمی تقریب میں ٹیم کے ارکان کو گولڈ میڈل پیش کیے۔ اس سال حصہ لینے والی 96 ٹیموں میں سے صرف تین کو گولڈ میڈل سے نوازا گیا ہے۔