نئی دہلی، 11 مئی ( انڈیا نیرٹیو)

 ہندوستانی شوٹر ریدم سنگوان نے آذربائیجان کے باکومیں انٹرنیشنل شوٹنگ اسپورٹ فیڈریشن (آئی ایس ایس ایف) ورلڈ کپ رائفل/پستول میں خواتین کے 10 میٹر ایئر پسٹل مقابلے میں کانسے کا تمغہ جیتا۔ سونے کا تمغہ یونان کی انا کوراکاکی اور چاندی کا تمغہ یوکرین کی اولینا کوسٹیوچ نے جیتا۔

تاہم، بھارت کے سربجوت سنگھ (مردوں کی 10 میٹر ایئر پسٹل) اور ایشا سنگھ فائنل میں کوالیفائی کرنے کے باوجود تمغوں سے محروم رہیں۔60 شاٹ کے کوالیفائنگ مرحلے میں ریدم نے 581 اور ایشا نے 579 کا اسکور کیا اور آٹھ شوٹرز کے 24 شاٹ فائنل کے لیے کوالیفائی کر کے تیسرے اور ساتویں نمبر پر رہے۔ ٹوکیو کی مکسڈ ٹیم کی فاتح چین کی جیانگ رانکسین 588 کے اسکور کے ساتھ ٹیبل میں سرفہرست رہیں جبکہ کوریا  کی کم بومی دوسرے نمبر پر رہیں۔

فائنل میں کوراکاکی نے 241.3 کے اسکور کے ساتھ طلائی اور کوسٹیوچ نے 240.6 کے اسکور کے ساتھ چاندی کا تمغہ جیتا۔ ریدم 219.1 کے اسکور کے ساتھ تیسرے نمبر پر رہی۔

مردوں کے 10 میٹر ایئر پسٹل میںبھوپال ورلڈ کپ میں گولڈ تمغہ جیتنے والے سربجوت سنگھ نیسب سے زیادہ کوالیفکیشن اسکور 589 بنایا لیکن فائنل میں چوتھے نمبر پر رہ کر لگاتار  آئی ایس ایس ایف ورلڈ کپ کے تمغے سے محروم رہے۔

شیوا نروال نے اس سے قبل کوالیفائنگ میں 14 ویں مقام پر رہنے کے لیے 579 شوٹ کیے تھے، جب کہ ورون تومر نے 574 کے ساتھ 44 واں مقام حاصل کیا تھا۔