نئی دہلی، 05 ستمبر (انڈیا نیرٹیو)

وزیر اعظم نریندر مودی نے کرشنا ناگر کو ٹوکیو پیرالمپکس کے بیڈمنٹن ایونٹ میں گولڈ میڈل جیتنے پر مبارکباد دیتے ہوئے کہا ہے کہ ان کے شاندار کارنامے نے ہر ہندوستانی کے چہرے پر مسکراہٹ لائی ہے۔

وزیر اعظم مودی نے اتوار کو ٹویٹ کیا، "ہمارے بیڈمنٹن کھلاڑیوں کی ٹوکیو پیرالمپکس میں شاندار کارکردگی دیکھ کر خوشی ہوئی۔ کرشنا ناگرکے شاندار کارناموں نے ہر ہندوستانی کے چہرے پر مسکراہٹ لا دی ہے۔ انہیں گولڈ میڈل جیتنے پر مبارکباد۔ ان کی مزید کوششوں کے لیے نیک خواہشات۔"

بھارتی بیڈمنٹن کھلاڑی کرشنا ناگر نے ٹوکیو پیرالمپکس میں اپنی شاندار کارکردگی جاری رکھتے ہوئے بھارت کے لیے پانچواں طلائی تمغہ جیتا ہے۔ کرشنا نے اتوار کو ٹوکیو میں آخری دنSH-6 زمرے کے فائنل میں ہانگ کانگ کے چو مین کی کو شکست دی۔ کرشنا نے کیی کو 21-17، 16-2، 21-17 سے شکست دی۔

یہ پیرالمپکس میں ہندوستان کی اب تک کی بہترین کارکردگی ہے۔ بھارت نے ٹوکیو پیرالمپکس میں اب تک مجموعی طور پر 19 تمغے جیتے ہیں جن میں 5 طلائی، 8 چاندی اور 6 کانسے کے تمغے شامل ہیں۔