پندرہ سال کی عمر میں منی پور سے پونے کے آرمی اسپورٹس انسٹی ٹیوٹ (اے ایس آئی) تک جانے والے فینسر چنگاکھم جیٹلی سنگھ، کھیلو انڈیا یونیورسٹی گیمز (KIUG) میں ایک بار پھر اپنی صلاحیتوں کا مظاہرہ کرنے کے لیے تیار ہیں۔

جیٹلی نے گزشتہ سال بنگلورو میں پہلی بار کھیلوں میں حصہ لیا اور دو گولڈ میڈل (انفرادی اور ٹیم) جیتے تھے۔ 21 سال کی عمر میں جیٹلی اس وقت گرو نانک دیو یونیورسٹی کی نمائندگی کر رہے ہیں۔

پہلے سال کے طالب علم کے طور پر، جیٹلی ان دنوں  اے ایس آئی  پونے میں پریکٹس کر  رہے ہیں، جو کہ سائی  نیشنل سینٹر آف ایکسیلنس بھی ہے، اور آنے والے  یونیورسٹی گیمز 2022 میں اپنی اچھی کارکردگی کے بارے میں پراعتماد ہے، جو کہ اتر پردیش میں ہونے والی ہے۔ جیٹلی نے میڈیا ریلیز میں کہا، “میں کھیلو انڈیا یونیورسٹی گیمز 2022 میں اچھی کارکردگی کا مظاہرہ کرنے کے لیے پراعتماد ہوں۔

میں اس کے لیے سخت محنت کر رہا ہوں۔” جیٹلی کے والد منی پور کے امپھال مشرقی ضلع میں ایک ڈھابہ چلاتے ہیں۔ اسے 2022 میں ٹاپ ڈیولپمنٹ ایتھلیٹ کے طور پر نامزد کیا گیا تھا۔ اپنے تین بہن بھائیوں میں سب سے چھوٹے جیٹلی نے کہا، “میرے والد امپھال مشرقی ضلع میں ایک فاسٹ فوڈ ڈھابہ چلاتے ہیں۔ میری والدہ ان کے کام میں ان کی مدد کرتی ہیں۔

میرا بھائی  پڑھائی مکمل کرنے کے بعد نوکری تلاش کررہا ہے، اور میری بہن شادی شدہ ہے۔”جیٹلی 2016 میں ایس اے آئی اے ایس آئی پونے آئے تھے اور تب سے وہیں رہ رہے ہیں۔ “2014 میں، میں نے ایک قومی ایونٹ میں تمغہ جیتا تھا۔

اگلے سال  سائی  پونے میں ایک ٹرائل کا انعقاد کیا گیا تھا، جس میں میں نے اچھی کارکردگی کا مظاہرہ کیا اور منتخب ہو گیا۔ 2016 سے، میں پونے میں پریکٹس کر رہا ہوں۔ پونے کا سفر جیٹلی نے ہندوستان کے لیے بین الاقوامی سطح پر بھی مقابلہ کیا ہے۔ اس سال کے شروع میں، انہوں نے دوحہ میں منعقدہ گراں پری میں حصہ لیا، اور اس سے پہلے، انہوں نے 2022 کامن ویلتھ چیمپئن شپ میں حصہ لیا۔

اس نے چیمپئن شپ میں ٹیم گولڈ جیتا اور گراں پری میں اچھی کارکردگی کے ساتھ اپنی رینکنگ کو بہتر کیا۔یہ پوچھے جانے پر کہ وہ فینسنگ میں کیسے آئے، جیٹلی نے کہا، “میرے گاؤں میں ایکلویہ نام کا ایک لڑکا ہے جو اس کھیل میں بہت اچھا ہے، اس نے کئی تمغے جیتے ہیں۔

اسے دیکھ کر مجھ سمیت بہت سے بچوں کو اس کھیل میں حصہ لینے کی ترغیب ملی۔ جب میں نے اسے پہلی بار آزمایا تو مجھے یہ پسند آیا۔” جیٹلی کا خیال ہے کہ کھیلو انڈیا یونیورسٹی گیمز ایک بہترین پلیٹ فارم فراہم کرتا ہے کیونکہ کھلاڑیوں کو عالمی معیار کی سہولیات ملتی ہیں۔