<div class="kvgmc6g5 cxmmr5t8 oygrvhab hcukyx3x c1et5uql ii04i59q">
<div dir="auto">اردو زبان کے فروغ کے لیے جدید ترذرائع اختیار کرنا ضروری: ڈاکٹر شیخ عقیل احمد</div>
<div dir="auto">قومی کونسل کے زیر اہتمام چلنے والے اردو،عربی اور فارسی اسٹڈی سینٹرز کے ذمے داران کی آن لائن میٹنگ</div>
</div>
<h4 dir="auto">سینٹر انچارجز کی آن لائن میٹنگ</h4>
<div dir="auto">Modern Technology and Urdu</div>
<div class="o9v6fnle cxmmr5t8 oygrvhab hcukyx3x c1et5uql ii04i59q">
<div dir="auto">قومی کونسل برائے فروغ اردو زبان کے اردو عربی اور فارسی کے سینٹر انچارجز کی آن لائن میٹنگ ہوئی .جس میں تمام سینٹرز کی کارکردگیوں کا جائزہ لیا گیا. اور ساتھ ہی انھیں بتایا کہ ہدایت کی گئی کہ کورونا کے دور میں کس طرح تعلیمی سرگرمیاں جاری رکھی جاسکتی ہیں۔ اس موقعے پر کونسل کے ڈائریکٹر ڈاکٹر شیخ عقیل احمد نے کہا کہ کورونا کے دور میں بھی کونسل کے تمام کام حسبِ معمول جاری ہیں. اور ہم نے اپنی تمام اسکیموں کوجاری رکھتے ہوئے بہت سے علمی و ادبی پروگرام بھی کروائے ہیں۔ انھوں نے سینٹر انچارجوں سے کہا کہ آپ اردو زبان کے فروغ کی مہم میں پوری سنجیدگی. اور لگن سے شریک رہیں اور اپنے طلبہ و طالبات کو آن لائن تعلیم دینے کا سلسلہ جاری رکھیں تاکہ بچوں کا تعلیمی نقصان نہ ہو۔</div>
<div dir="auto"></div>
<div dir="auto"></div>
<div dir="auto">انھوں نے یہ بھی کہا کہ موجودہ دور سوشل میڈیا اور انٹرنیٹ کا ہے.لہذا ہر سینٹر کا فیس بک،ٹوئٹر،یوٹیوب وغیرہ پر اپنا اکاؤنٹ اور چینل ہونا چاہیے.اور ان کے ذریعے بچوں کو تعلیم دینے کے ساتھ اپنی سرگرمیوں کی تشہیر بھی کریں تاکہ لوگوں کو معلوم ہو کہ آپ کا سینٹر ایکٹیو ہے.اور کونسل تک بھی براہ راست معلومات پہنچتی رہیں۔</div>
<h4 dir="auto">سوشل میڈیا کا مفید استعمال</h4>
<div dir="auto"></div>
<div dir="auto">ڈاکٹر عقیل نے کہا کہ سوشل میڈیا کا مفید استعمال کرکے نہ صرف بچوں کا تعلیمی سسٹم جاری رکھا جاسکتا ہے. بلکہ اس کے ساتھ ساتھ آپ کے ادارے کی تشہیر بھی ہوگی. اور لوگ اس کی کارکردگیوں سے بھی واقف ہوتے رہیں گے۔ ڈاکٹر عقیل نے کہا کہ کونسل نے اردو زبان کے ساتھ ساتھ طلباو طالبات کے لیے .عربی و فارسی زبان کی تعلیم کا بھی انتظام کیا ہے. اور اس وقت مجموعی طورپر اردو،عربی اور فارسی کے دوہزار سے زائد سینٹر چل رہے ہیں .ہماری کوشش ہے کہ اردو زبان کا دائرہ پورے ملک کے دوردراز خطے تک پہنچے. اور نئی نسل کو دوسری زبانوں اور عصری علوم کے ساتھ اس زبان کی شیرینی سے بھی واقف کروایا جائے۔</div>
<div dir="auto"></div>
<div dir="auto">انھو<a href="https://urdu.indianarrative.com/entertainment/prime-minister-congratulates-rajinikanth-on-his-70th-birthday-18293.html">ں نے اس موقعے پر</a> تمام سینٹر انچارجز سے تبادلۂ خیال کرکے ان کے سینٹروں کی کارکردگی کے بارے میں جانکاری بھی حاصل کی.اور انھیں درپیش پریشانیوں کو جلد ازجلد دور کرنے کی یقین دہانی کروائی۔اس میٹنگ میں کونسل کے اسٹاف سمیت تمام سینٹرز کے ذمے داران موجود رہے۔</div>
<div dir="auto">Modern Technology and Urdu</div>
</div>.