آئی پی ایل فرنچائزی پنجاب کنگز کے بیشتر کھلاڑی بحفاظت اپنے گھر پہنچے

نئی دہلی ، 09 مئی (انڈیا نیرٹیو)

انڈین پریمیر لیگ (آئی پی ایل) کی فرنچائز پنجاب کنگز (پی بی کے ایس) کے بیشتر کھلاڑی "محفوظ طریقے سے" گھر پہنچ گئے ہیں ، جب کہ کچھ غیر ملکی کھلاڑی اپنے ملک روانگی سے قبل ہی قرنطین کی مدت پوری کر رہے ہیں۔ فرنچائز نے مذکورہ معلومات دی ہیں۔

پنجاب کنگز نے بی سی سی آئی اور آئی پی ایل کی دیگر ٹیموں کے تعاون پر شکریہ ادا کیا اور سب پر زور دیا کہ وہ جاری کورونا وائرس وبا سے لڑنے کے لئے معاشرتی فاصلوں کے اصولوں پر عمل کریں۔ 

پنجاب کنگزنے ٹویٹر پر ایک بیان میں کہا، "آئی پی ایل 2021 کی معطلی کے بعد، تمامPBKS ٹیم کے ارکان، محفوظ طریقے سے گھر پہنچ گئے ہیں کچھ بھارت چھوڑنے سے پہلے قرنطینہ کر رہے ہیں۔ 

پنجاب نے مزید کہا ، " ہم بورڈ آف کنٹرول فار کرکٹ ان انڈیا (بی سی سی آئی) ، آئی پی ایل کی دیگر فرنچائزز اور ہماری ایئر لائن کی شراکت دار گو ایر کا تعاون کرنے پر ان کا شکریہ ادا کرنا چاہتے ہیں۔ ہمیں ماسک پہننے ، معاشرتی اصولوں اور حفظان صحت کو اپنانے پر اپنے تمام پرستاروں پر فخر ہے۔ پروٹوکول پرعمل کرنے کی درخواست۔" 

منگل کو ہنگامی اجلاس میں ، آئی پی ایل گورننگ کونسل (جی سی) اور بی سی سی آئی نے متفقہ طور پر ملک میں بڑھتے کوویڈ 19 کیسوں کے درمیان آئی پی ایل 2021 سیزن ملتوی کرنے کا فیصلہ کیا۔ بی سی سی آئی نے کہا کہ گورننگ باڈی آئی پی ایل 2021 میں تمام شرکا کو ان کے گھروں تک محفوظ ترسیل کو یقینی بنانے کی ہر ممکن کوشش کرے گی۔