ممبئی، 28 اپریل (انڈیا نیرٹیو)
تیز گیند باز عمران ملک کی پانچ وکٹوں کی بدولت سن رائزرز حیدرآباد اپنی لگاتار چھٹی جیت کی راہ پر گامزن ہے، لیکن راشد خان اور راہل تیوتیا کی جوڑی نے اپنی تابناک اننگ کی بدولت گجرات کو شکست کے منہ سے نکال کر پانچ وکٹوں سے فتح دلادی۔اپنی ٹیم کے ہارنے کے باوجود، ملک کو ان کی شاندار کارکردگی پر پلیئر آف دی میچ کا ایوارڈ دیا گیا۔
میچ کے بعد ملک نے کہا، "میرا خیال تھا کہ میں جتنی تیز گیند کر سکتا ہوں، گراؤنڈ تھوڑا چھوٹا ہے اس لیے میری کوشش تھی کہ اسٹمپ پر اور تیز رفتاری سے گیند کروں۔ اگر مجھے 155 کلومیٹر فی گھنٹہ کی رفتار سے گیند بازی کرنی ہے تو میں اسے ایک دن کروں گا۔ اگر میں بولنگ کرنا چاہتا ہوں تو ایک دن کروں گا لیکن فی الحال میں صرف اچھی گیند بازی کرنا چاہتا ہوں۔
ملک نے شبھمن گل، ہاردک پانڈیا اور ریدھیمان ساہا کی اہم وکٹیں حاصل کیں۔ انہیں اننگ کے 16ویں اوور میں دوبارہ بولنگ کی ذمہ داری دی گئی اور ڈیوڈ ملر اور ابھیشیک منوہر کو کلین بولڈ کیا۔
196 رن کے ہدف کے تعاقب میں گجرات کی ٹیم کو آخری اوور میں جیت کے لیے 22 رن درکار تھے، راہل تیوتیا نے مارکو جانسن کی پہلی گیند پر چھکا لگایا۔ اس کے بعد ایک سنگل لیا۔ راشد نے تیوتیا کے نقش قدم پر چلتے ہوئے تیسری گیند پر چھکا لگایا۔ چوتھی گیند ڈاٹ تھی اب 2 گیندوں پر 9 رن درکار تھے جس کے بعد راشد نے لگاتار دو چھکے لگا کر گجرات کو سنسنی خیز فتح دلائی۔
