بارہ بنکی،( ابوشحمہ انصاری)
موضع چوکھنڈی میں عرس کے موقع پر صوبائی سطح کے والی بال ٹورنامنٹ کا انعقاد ہوا۔ جس کی صدارت چوکھنڈی کے سابق پردھان حاجی عبدالعلیم ، مشترکہ کنوینر محمدمحفوظ انصاری ، محمدانصار ایکسپورٹر اور نگرانی محمدنفیس انصاری (صلاح کار)نے فرمائی۔
اس ٹورنامنٹ میں اترپردیش کی معروف ٹیموں نے حصہ لیا۔ جن میں سے اعظم گڑھ ، سنت کبیرنگر ، بلرامپور ، ٹکرا عثماں بارہ بنکی ، دیوریا ، گورکھپور ، چوکھنڈی اور جرول کی ٹیموں نے اپنے کھیل کا شاندار مظاہرہ کرکے شائقین والی بال کو خوب محفوظ کیا۔
سبھی ٹیموں نے اپنی اپنی عمدہ کارکردگی سے شائقین کو تالیاں بجانے پر مجبور کردیا۔ اس ٹورنامنٹ کے سبھی میچ بہت ہی منجھے ہوئے میچ ریفریوں کی نگرانی میں کھیلے گئے۔ ٹورنامنٹ کے کچھ میچ تو شائقین کی دھڑکنیں بڑھانے والے کھیلے گئے۔
اس ٹورنامنٹ کا آغاز سرولی غوثپور کی بلاک پرمکھ رینو ورما نے فیتا کاٹ کرکیا۔ جبکہ بطور مہمان خصوصی زیدپور کے مشہور و معروف تاجر ، سماجی خدمت گزار و حاجی دروغہ میموریل پبلک اسکول کے مینیجرتفضل حسین انصاری نے اپنی شرکت سے ٹورنامنٹ کو مزید رونق بخشی۔
انہوں نے اپنے دوست ماسٹراویس انصاری ، محمد اسلم ، محمدعالم اور مولانا فرمان مظاہری کے ساتھ سنت کبیرنگر اور دیوریا کی ٹیموں سے گراؤنڈ پر پہونچ کر تعارف بھی حاصل کیا۔ ان کے علاوہ سابق بی۔ ڈی۔ سی۔ انور انصاری ، سابق ڈی۔ ڈی۔ سی۔ محمد ذاکرعرف قدرتی ، عطاؤالرحمٰن انصاری نے اپنی پوری ٹیم کے ساتھ شرکت فرمائی۔ قصبہ سعادت گنج کے محمدنفیس انصاری اور ٹکرا کے ماسٹرمحمد زید نے اپنی شاندار کمنٹری سے سبھی میچوں کو مزید پرلطف بنادیا۔
اس ٹورنامنٹ کا پہلا سیمی فائنل ایم ایس سی ٹکرا عثماں اور اعظم گڑھ کے مابین کھیلا گیا۔ جس میں ٹکرا عثماں فاتح رہی۔ جبکہ دوسرا سیمی فائنل دیوریا اور سنت کبیرنگر کے درمیان کھیلا گیا۔ اس میں سنت کبیرنگر نے فتح یاب ہوکر فائنل میں اپنی جگہ بنائی۔
ٹورنامنٹ کے فائنل میچ میں ایم ایس سی ٹکرا عثماں اور سنت کبیرنگر کے درمیان کھیلا گیا۔ فائنل میچ بہت ہی دلچسپ رہا۔ اور ٹکرا عثماں کو سنت کبیرنگر نے شکست دیکر فائنل کا خطاب اپنے نام کرنے میں کامیاب رہی۔
اس موقع پر مولانا محمدفرمان مظاہری،راحت حسین انصاری ، قاری محمدحسان ، محمدعتیق انصاری اچھیچہ ، عبدالتواب انصاری پردھان زیدپور دیہات اور محمد ہارون انصاری موجود رہے۔
