Urdu News

روہت شرمااوروراٹ کوہلی کی جوڑی تاریخی’ورلڈریکارڈ’سےصرف 2 رنزکی دوری پر

روہت شرمااوروراٹ کوہلی کی جوڑی تاریخی'ورلڈریکارڈ'سےصرف 2 رنزکی دوری پر

 ہندوستانی کرکٹ کی تاریخ کے دو بہترین بلے باز روہت شرما اور وراٹ کوہلی کے پاس آسٹریلیائی ٹیم کے خلاف تیسرے ون ڈے میں تاریخی کارنامہ انجام دینے کا موقع ہوگا۔ ایک جوڑی کے طور پر، روہت-کوہلی بین الاقوامی کرکٹ کے 50 اوور کے فارمیٹ میں 5000 رن مکمل کرنے سے صرف دو رن دور ہیں۔

فی الحال، روہت اور کوہلی نے ون ڈے کرکٹ میں ایک ساتھ 4998 رن بنائے ہیں۔ اگر وہ چنئی کے مقابلے میں مزید دو رن کا اضافہ کرتے ہیں تو وہ 50 اوور کے فارمیٹ میں 5000 رن بنانے والی تیز ترین جوڑی بن جائیں گی۔

ہندوستانی جوڑی نے اب تک ون ڈے میں کل 85 اننگ کھیل کر 62.47 کی اوسط سے 4998 رن بنائے ہیں۔ اس دوران انہوں نے مجموعی طور پر 18 سنچریاں اور 15 نصف سنچریاں اسکور کیں۔

ایک جوڑی کے طور پر ون ڈے کرکٹ میں تیز ترین 5000 رن بنانے کا ریکارڈ اس وقت ویسٹ انڈیز کے گارڈن گرینیج اور ڈیسمنڈ ہینس کے پاس ہے جنہوں نے 97 اننگ میں یہ سنگ میل عبور کیا۔

فہرست میں ان کے بعد آسٹریلیا کے میتھیو ہیڈن-ایڈم گلکرسٹ (104) اور سری لنکا کے تلکارتنے دلشان-کمار سنگاکارا (105) ہیں۔

کوہلی-روہت واحد جوڑی ہے جس نے ون ڈے میں 60 سے زیادہ کی اوسط سے 4000 سے زیادہ رن بنائے ہیں۔ جب کہ، مجموعی طور پر، کوہلی-روہت ون ڈے کرکٹ میں سب سے زیادہ رن بنانے والی جوڑیوں میں 8ویں نمبر پر ہیں۔ سچن تندولکر اور سورو گنگولی کی جوڑی 8227 رنوں کے ساتھ سرفہرست ہے۔

Recommended