بیٹ بال کے ساتھ لال جوڑا پہن کر فوٹو شوٹ کرایا

پاکستان کی خواتین کرکٹ ٹیم کا اہم حصہ رہی کائنات امتیاز نے شادی کر لی ہے۔ کائنات کا شمار دنیا کی حسین ترین خاتون کرکٹر میں ہوتا ہے۔ کائنات نے جو پری ویڈنگ فوٹو شوٹ کرایا ہے وہ سوشل میڈیا پر وائرل ہو رہا ہے۔ 29سال کی کائنات امتیاز نہ صرف بلا کی خوبصورت ہیں بلکہ کرکٹ کی بہترین کھلاڑی ہیں۔ انھوں نے کرکٹ کے میدان پہ کئی بار اپنی بہترین کارکردگی سے ٹیم کو جیت دلائی ہے۔ کائنات امتیاز سوشل میڈیا پر بھی بہت مقبول ہیں۔ دنیا بھر میں ان کے چاہنے والے موجود ہیں۔ وہ اپنی اداؤں سے نوجوانوں کو اپنا گرویدہ بناتی رہی ہیں۔

ابھی دو روز پہلے کائنات نے انسٹا گرام پر اپنی پری ویڈنگ فوٹو اپلوڈ کیاجسے لاکھوں لوگوں نے پسند کیا ہے۔ دنیا بھر میں کائنات کے چاہنے والے جاننا چاہتے تھے کہ آخر وہ کون خوش نصیب ہے جسے کائنات نے اپنا دل دے دیا ہے۔ کائنات نے محمد وقار الدین کو اپنا جیون ساتھی چنا ہے۔ کائنات ایک آل راؤنڈر ہیں جو پاکستان کے لئے 15ون ڈے انٹر نیشنل کھیل چکی ہیں۔ وہ ون ڈے میچوں میں پاکستان کے لئے 9وکٹیں بھی لے چکی ہیں۔ کائنات امتیاز ٹوینٹی ٹوینٹی میچ میں بھی اپنے ملک پاکستان کی نمائندگی کر چکی ہیں۔ ٹوینٹی ٹوینٹی میچ میں وہ 120رن بنانے کے ساتھ ساتھ ۹وکٹیں بھی حاصل کر چکی ہیں۔ کائنات نے سنہ 2010میں ساوتھ افریقہ کے خلاف ٹوینٹی ٹوینٹی میچ سے اپنے انٹر نیشنل کیریئر کا آغاز کیا تھا۔ انھوں نے ون ڈے کا پہلا میچ آئر لینڈ کے خلاف کھیلا تھا۔ واضح رہے کہ کائنات امتیاز کی ماں سلیمہ بھی اپنے زمانے کی مشہور کرکٹر تھیں حالانکہ انھیں انٹر نیشنل کرکٹ کھیلنے کا موقع نہیں ملا تھا۔ کائنات کی ماں سلیمہ اب کرکٹ میچ کی امپائر ہیں۔ کائنات کی شادی مارچ میں ہی ہو گئی تھی لیکن سوشل میڈیا پر تصویریں انھوں نے اب شیئر کی ہیں۔

پاکستان کی مشہور اور خوبصورت ترین کرکٹ کھلاڑی کائنات امتیاز

پاکستانی کرکٹ، کائنات، کائنات امتیاز، محمد وقار الدین، خواتین کرکٹر، کائنات کی شادی، خوبصورت کائنات