ٹوکیو، 4 ستمبر (انڈیا نیرٹیو)

 ٹوکیو پیرالمپکس میں آج ہندوستان کے لیے ایک شاندار آغاز رہا ہے، جہاں آج بیڈمنٹن میں دو تمغوں پکے ہوچکے ہیں،وہیں شوٹنگ میں ہندوستان نے ایک طلائی اورایک چاندی جیتا ہے۔

ہندوستان کے پیرا شوٹر منیش ناروال نے شوٹنگ P4مکسڈ 50 میٹر پستول SH1ایونٹ میں طلائی تمغہ جیتا،جبکہسنگھ راج نے چاندی کا تمغہ جیتا۔

کوالیفیکیشن راؤنڈ میں سنگھ راج 536 پوائنٹس کے ساتھ چوتھے نمبر پر آئے جبکہ منیش ناروال 533 پوائنٹس کے ساتھ ساتویں نمبر پر رہے۔

منیش نارووال نے 218.2 کے اسکور کے ساتھ پہلی پوزیشن حاصل کی، جبکہ سنگھ راج 216.7 کے اسکور کے ساتھ دوسرے نمبر پر رہے۔

قابل ذکر ہے کہ اس پیرالمپکس میں 39 سالہ سنگھ راج کا یہ دوسرا تمغہ ہے۔ اس سے قبل انہوں نے 10 میٹر ایئر پسٹل SH1میں کانسے کا تمغہ جیتا تھا، جبکہ اونی لیکھرا کے پاس بھی دو تمغے ہیں۔ سونے کے علاوہ انہوں نے کانسے کا تمغہ جیتا ہے۔

موجودہ پیرالمپکس میں ہندوستان اب تک 15 تمغے جیت چکا ہے۔ہندوستان کے کھاتے میں اب 3 طلائی، 7 چاندی اور 5 کانسے کے تمغے ہیں۔

صدر، نائب صدر اور وزیر اعظم نے منیش ناروال اور سنگھ راج اڈانا کو مبارک باد دی

صدر جمہوریہ رام ناتھ کووند، نائب صدر ایم وینکیا نائیڈو اور وزیر اعظم نریندر مودی نے ہفتہ کو منیش ناروال کو سونے کا تمغہ جیتنے پر اورسنگھ راج اڈانا کو ٹوکیو پیرالمپکس میں چاندی کا تمغہ جیتنے پر مبارک باد دی۔

صدر کووند نے ٹویٹ کیا ’نوجوان منیش نارووال نے پیرالمپکس میں شوٹنگ میں سونے کا تمغہ جیت کر ہندوستان کو فخرسے سرشار کیا ہے۔ آپ نے بہت چھوٹی عمر میں بے پناہ صلاحیتوں اور لگن کا مظاہرہ کیا ہے۔ دلی مبارکباد! آپ مستقبل میں مزید ایوارڈ جیتیں۔‘

ایک اور ٹویٹ میں، صدر نے کہا ’سنگھ راج اڈانا نے چاندی کا تمغہ جیتا اور ٹوکیو پیرالمپکس میں کانسے کا تمغہ جیت کر اپنی کارکردگی میں اضافہ کیا۔ آپ کی غیر معمولی کارکردگی پر مبارکباد۔ آپ مستقبل میں بہت سی مزید فتوحات سے لطف اندوز ہوں۔‘

نائب صدر جمہوریہ نائیڈو نے ٹویٹ کیا ’ہمارے پیرالمپین قوم کو فخرسے سرشار کرنا جاری رکھے ہوئے ہیں۔ منوج نارووال کو ٹوکیو پیرالمپکس 2020 میں مکسڈ 50 میٹر پستول SH1ایونٹ میں گولڈ میڈل جیتنے پر اور سنگھراج کو سلور میڈل جیتنے پر دلی مبارکباد۔ پوری قوم آپ پر فخر کرتی ہے اور آپ کی جیت پر خوش ہے۔“

ٹوکیو پیرالمپکس میں طلائی تمغہ جیتنے پر منیش نارووال کو مبارکباد دیتے ہوئے وزیر اعظم مودی نے ٹویٹ کیا ’نوجوان اور شاندار باصلاحیت منیش نارووال کی شاندار کامیابی۔ ان کا گولڈ میڈل جیتنا ہندوستانی کھیلوں کے لیے ایک خاص لمحہ ہے۔ انہیں مبارکباد اور آنے والے وقت کے لیے نیک تمنائیں۔‘ وزیر اعظم نے سنگھ راج اڈانا کو بھی مبارک باد پیش کی۔