مسلم راشٹریہ منچ کی جانب سے توہین رسالت پر احتجاج

<div class="col-lg-8 col-md-8 col-sm-8 col-xs-12">
<h3></h3>
</div>
<div class="col-lg-12 col-md-12 col-sm-12 col-xs-12">
<h3>مسلم راشٹریہ منچ کی جانب سے توہین رسالت پر احتجاج</h3>
<div>
<p dir="rtl">مسلم راشٹریہ منچ کی جانب سے توہین رسالت پر احتجاج۔</p>
<p dir="rtl"> تلنگانہ مسلم راشٹریہ منچ نے فرانس کی حکومت کی  جانب سے رسول اللہ صلی اللہ علیہ و سلم کی توہین کی سرپرستی اور وزیر اعظم ایمانول میکرون کے  توہین آمیز روئیے کی حمایت پر احتجاج درج کیا۔ حیدرآباد میں واقع اپنے دفتر کے روبرو منچ کے اراکین نے فرانسیسی وزیر اعظم کے خلاف نعرے بازی کی، ان کی تصاویر کو سڑک پر گاڑیوں اور جوتوں تلے روندا ۔</p>
<p dir="rtl">کنوینر مسلم راشٹریہ منچ تلنگانہ ایم اے ستار نے فرانس کی اس گستاخانہ حرکت پر برہمی کا اظہار کیا اور بتایا کہ کسی حکومت یا فرد کی جانب سے کسی بھی مذہبی شخصیت کی توہین منچ برداشت نہیں کرے گا اور مسلمان ناموس رسالت کی توہین کبھی برداشت نہیں کرے گا۔ اگر آج فرانس کو مسلمانوں کے پیغمبر کی توہین پر سبق نہ سکھایا گیا تو اس کی حوصلہ افزائی ہوگی اور ممکن ہے کہ وہ کل کسی اور مذہبی شخصیت کی توہین کرے۔</p>
<p dir="rtl"> انہوں نے بتایا کہ منچ ملک میں امن اور اتحاد کیلئے کوشاں ہے۔ کنوینر مسلم راشٹریہ منچ آندھرا پردیش فیاض الدین نے بھی فرانسیسی حکومت اور ایمانول میکرون کے پیغمبر صلی اللہ علیہ و سلم کی توہین کی کھلے عام حمایت کو قابل افسوس قرار دیتے ہوئے کہا کہ مسلم راشٹریہ منچ دنیا کے کسی بھی مذہبی شخصیات کی توہین کی مذمت کرتا ہے۔ انہوں نے بتایا کہ آج عالم اسلام کی برہمی کی وجہ محمد صلی اللہ علیہ وسلم کی شان میں گستاخی ہے لیکن ابھی اس سلسلے کو نہ روکا گیا تو ممکن ہے کل فرانس یا کوئی اور ملک ہندو مذہبی شخصیات یا مذہبی گُرو کے توہین کرے۔ فیاض الدین نے بتایا کہ مسلم راشٹریہ منچ  ہندو، مسلم، عیسائی اور دنیا کے تمام مذاہب کا احترام کرتی ہے اور توہین آمیز حرکتوں کی مذمت کرتی ہے۔</p>
<p dir="rtl">۔</p>

</div>
</div>.