دوحہ سے دوحہ تک فیفا ورلڈ کپ 2022 کی پروموشن کے لیے قطر ایئر ویز کی منفرد پرواز

<p dir="RTL" style="text-align: justify;">
نئی دہلی،21نومبر (انڈیا نیرٹیو)</p>
<p dir="RTL" style="text-align: justify;">
دنیا بھر میں جہاں کرکٹ کے شائقین جوش و خروش کے ساتھ کرکٹ میچ کا لطف اٹھاتے ہیں وہیں فٹ بال کو پسند کرنے والوں کو بھی جنون کی حد تک فٹ بال کے میگا ایونٹ کا انتظار ہے۔ اس کے لیے عرب ملک کے قطر میں بائیسواں فیفا ورلڈ کپ  کے انعقاد کی تیاریاں زور و شور سے جاری ہیں۔حالانکہ  فیفا ورلڈ کپ  کا یہ میگا ایونٹ سال 2022ء   میں 21 جنوری کو قطر میں شروع ہوگا۔ لیکن تاریخ کے اس بڑے  پروگرام  کے انعقاد  کے لیے قطر میں اس سے جڑی سرگرمیوں کا آغاز ابھی سے شروع ہوگیا ہے۔ہفتے کی دوپہر قطر کی سرکاری ایئر لائن قطر ایئرویز نے ’دوحہ سے دوحہتک‘ کی ایک گھنٹہ 22 منٹ کی نچلی پرواز کرکے فیفا ورلڈ کپ 2022 کے لیے مختص قطر کے مختلف اسٹیڈیمز کا فضائی دورہ کیا اور نچلی پرواز سے جائزہ لیا، جہاں ان کے خصوصی ورلڈ کپ لیوری 777 کے ساتھ گیمز کا انعقاد کیا جائے گا۔</p>
<p dir="RTL" style="text-align: justify;">
 قطر ایئر ویز کی پرواز کیو آر 2022 نے دوحہ انٹرنیشنل ایئرپورٹ سے صبح 10 بجکر 17 منٹ پر ٹیک آف کیا۔ اس خصوصی طیارے نے فیفا ورلڈ کپ کیلئے مختص تمام اسٹیڈیم پر انتہائی نچلی پرواز کی۔ الوکرہ، دوحہ، الخور اور لوسیل میں زیر تکمیل کیے گئے اسٹیڈیمز دیکھے۔</p>
<p dir="RTL" style="text-align: justify;">
 اس طیارے نے دوپہر 11 بج کر 39 منٹ پر دوحہ میں ہی لینڈنگ کی۔ قطر ایئرویز نے اس خاص مشن کیلئے 7 سال پرانے بوئنگ 777 تھری ڈی زیڈ طیارے کا انتخاب کیا۔</p>
<p dir="RTL" style="text-align: justify;">
واضح رہے کہ کسی عرب ملک کی میزبانی میں ہونے والے اس پہلے ورلڈ کپ میں 32 ٹیمیں حصہ لیں گی۔ افتتاحی میچ ٹھیک آج کے دن 21 نومبر کو قطر کے شمالی شہر الخور میں کھیلا جائے گا۔ ورلڈ کپ 18 دسمبر 2022 تک  تقریباً 28 دن جاری رہے گا۔</p>