والد نے ریاستی حکومت کا 2 کروڑ نقد انعام اور پلاٹ اراضی کا دینے کاخیر مقدم کیا

ہندوستانی باکسر کے نکہت زرین نے ترکی میں آئی بی اے ویمنز ورلڈ باکسنگ چیمپئن شپ کے 12ویں ایڈیشن میں گولڈ میڈل جیت کر ریکارڈ بک میں جگہ بنائی۔  گولڈ میڈل جیتنے  کے بعد  نکہت پر تحفوں اور  انعامات  کی بارش کا سلسلہ  جاری  ہے۔  تلنگانہ حکومت نے  انہیں دو  کروڑ روپے نقد  انعام  ایک پلاٹ اراضی  دینے کا اعلان  کیا ہے۔ اس بیچ  نکہت کے والد جمیل احمد نے مالی امداد فراہم کرنے  کیلئے ریاستی حکومت کی تعریف کی۔  اس موقع کو اپنی زندگی کا سب سے خوشگوار دن قرار دیتے ہوئے، احمد نے تلنگانہ کے چیف منسٹر  چندر شیکھر راؤ (کے سی آر) کا شکریہ ادا کیا۔

جمیل احمد نے بتایا کہ میں بہت خوشی محسوس کر رہا ہوں کہ ہمارے تلنگانہ کے سی ایم کے سی آر صاحب نے دو کروڑ روپے نقد انعام اور رہائش کے لیے ایک پلاٹ کا اعلان کیا ہے۔ میں کے سی آر  صاحب کا شکریہ ادا کرتا ہوں۔ نقد انعام کے علاوہ، حکومت نے بنجارہ ہلز/جوبلی ہلز میں نکہت کو رہائشی پلاٹ بھی الاٹ کیا  ہے۔ انہوں نے اس بات پر بھی روشنی ڈالی کہ 2014 میں ریاستی حکومت نے نکہت کو 50 ہزار روپے مختص کیے تھے، جس نے  باکسنگ کے لیے ایک اہم موڑ کا کام کیا۔

 آج ہمارے لیے ایک اور اہم موڑ ہے۔ ہم کرائے کے مکان میں رہ رہے تھے اور رہائش کے لیے پلاٹ نے ہمیں پہلے سے زیادہ خوش کر دیا ہے۔" انہوں نے والدین سے بھی اپیل کی کہ وہ اپنے بچوں کو کھیلنے دیں اور ملک کا نام روشن کریں۔میں لوگوں سے اپیل کرتا ہوں کہ آگے آئیں اور اپنے بچوں کو کھیل کھیلنے پر مجبور کریں اور تلنگانہ اور ہندوستان کا نام روشن کریں۔ مجھے امید ہے کہ کے سی آر صاحب ہماری حمایت جاری رکھیں گے اور میں دل کی گہرائیوں سے شکریہ ادا کرتا ہوں۔