نئی دہلی، 28 جون (انڈیا نیرٹیو)
106 سالہ ایتھلیٹ رام بائی، جنہوں نے دو سال قبل 104 سال کی عمر میں ایتھلیٹکس میں حصہ لیا تھا اور گزشتہ سال 85 سے اوپر کے زمرے میں 100 میٹرا سپرنٹ میں عالمی ریکارڈ قائم کیا تھا، پیر کو تین تمغے جیت کر اپنی تعداد میں اضافہ کیا۔ انہوں نے دہرادون میں منعقدہ 18ویں نیشنل اوپن ایتھلیٹکس چمپئن شپ میں 100 میٹر اسپرنٹ، 200 میٹر اسپرنٹ اور شاٹ پوٹ میں سونے کا تمغہ جیتا ۔
85سے اوپر کیٹیگری کے لیے، تینوں مقابلوں میں سے ہر ایک میں، رام بائی نے تقریباً تین سے پانچ دیگر مدمقابلوں کو ہرا کر ٹاپ پوزیشن حاصل کی۔ وہ ہریانوی میں “میں خوش ہوں” کہتے ہوئے فخر سے اسٹیج سے چلی گئیں، اور جب ان کی پوتی نے ان کے پاؤں کی مالش کرنے کی پیشکش کی تو انہوںنے کہا، “یہ کسی ایسے شخص کو دے دو جسے اس کی ضرورت ہے۔۔
رام بائی کی تازہ ترین کامیابی کو سراہتے ہوئے، اداکار آر مادھون نے ٹویٹ کیا، 106 سالہ رام بائی نے دون اسپورٹس ایونٹ میں 3 گولڈ میڈل جیتے ہیں۔اب یہ ایک حقیقی تحریک ہے۔
رام بائی، جو چرخی دادری کے ایک چھوٹے سے گاؤں کڈما میں پیدا ہوئی تھی، اور انہوں نے اپنی زندگی کا زیادہ تر حصہ گھریلو کام کاج اور خاندانی کھیت میں کام کرتے ہوئے گزارا، اتھلیٹکس کے ساتھ ان کی وابستگی اس وقت شروع ہوئی جب 2016 میں پنجاب کی مان کور کی عمر 100 سال تھی۔
انہوں نے وینکوور میں امریکن ماسٹرز گیمز میں 100 میٹر دوڑ میں 1 منٹ اور 21 سیکنڈ کے وقت کے ساتھ طلائی تمغہ جیتا اور یہ کارنامہ انجام دینے والی دنیا کی معمر ترین خاتون بن گئیں۔ اگلے سال، کور نے آکلینڈ میں ورلڈ ماسٹرز گیمز میں اپنی 100 میٹر ٹائمنگ کو سات سیکنڈ (1 منٹ اور 14 سیکنڈ میں لے کر) کم کرکے اپنے ہی عالمی ریکارڈ کو بہتر بنایا۔
یہ رام بائی کی 41 سالہ پوتی شرمیلا ساگوان تھی جس نے انہیں مان کور کی کہانی سنائی اور کہا کہ اگر 100 سال سے زیادہ عمر کی عورت یہ کر سکتی ہے تو وہ کیوں نہیں۔
تھوڑی سی پیشہ ورانہ مشق اور، شاید، میدان میں برسوں کی محنت اور زیادہ تر دودھ، گھریلو ڈیری مصنوعات اور کھیت کی تازہ سبزیوں پر مشتمل خوراک کے ساتھ، رام بائی نے گزشتہ جون میں وڈودرا میں اوپن ماسٹرز ایتھلیٹکس چمپئن شپ میں 100 میٹر کی دوڑ جیتی۔ سال صرف 45.50 سیکنڈ میں ریس مکمل کرکے مان کور کا ریکارڈ توڑا۔
