اولمپک کے لیے ٹوکیو روانہ ہوئیں ثانیہ مرزا اور انکتا رینا

https://urdu.indianarrative.com/Ankita_Sania.jpg

ثانیہ مرزا اور انکتا رینا

اولمپک کے لیے ٹوکیو روانہ ہوئیں ثانیہ مرزا اور انکتا رینا

بھارتی تجربہ کار خاتون ٹینس کھلاڑی ثانیہ مرزا اور انکتا رینا آنے والے اولمپک کے لیے پیر کو حیدرآباد سے ٹوکیو کے لئے روانہ ہوگئیں۔بھارتی کھیل اتھارٹی نے اس کی تصدیق کی ہے۔ اس مہینے کی شروعات میں ثانیہ مرزا اور انکتا رینا کے ٹوکیو 2020میں خواتین سنگل ٹینس مقابلے میں بھارت کی نمائندگی کرنے کی تصدیق کی گئی تھی۔

 ثانیہ کا یہ چوتھا اولمپک ہوگا اور وہ اپنا پہلا میچ کھیلنے کے ساتھ ہی اب چار اولمپک میں بھارت کی نمائندگی کرنے والی پہلی خاتون ایتھلیٹ بن جائیں گی، جبکہ انکتا رینا کا یہ پہلا اولمپک ہوگا۔ وہیں بھارتی ٹینس کھلاڑی سمت ناگل نے بھی مرد سنگل میں واپسی کی بنیاد پر مجوزہ ٹوکیو اولمپک کے لیے کوالیفائی کرلیا ہے اور وہ جاپان میں اس جوڑی سے جڑیں گے۔

اب تک ٹوکیو اولمپک کے لئے بھارتی ایتھلیٹوں کا پہلا دستہ ٹوکیو میں اتر چکا ہے۔ قدآور مکے باز ایم سی میری کام، بیڈ منٹن کھلاڑی پی وی سندھو، تیر انداز اتنو داس اور دیپکا کماری، مرد اور خواتین بھارتی ہاکی ٹیمیں اتوار کو ٹوکیو پہنچی۔

 اب تک بیڈمنٹن، تیر اندازی، ہاکی، جوڈو، تیراکی، بھاروتولن، جمراسٹک، نشانے بازی، مکے بازی، نوکائن اور ٹیبل ٹینس جیسے13مختلف کھیلوں کے ایتھلیٹ اور معاون اسٹاف جاپان پہنچ چکے ہیں۔کشی اور ایتھلیٹکس ٹیموں سمیت باقی دستہ کے جلد ہی ان کے ساتھ جڑنے کی امید ہے۔