نوجوانوں کے امور اور کھیلوں کے مرکزی وزیر جناب انوراگ ٹھاکر نے ممتاز ایتھلیٹس کے ساتھ ان طلباء کا حوصلہ بڑھایا، جو اپنی نوعیت کی پہلی فٹ انڈیا کو ئز کے اسٹیٹ راؤنڈ میں حصہ لینے والے ہیں۔ یہ راؤنڈ 10 فروری سے شروع ہو رہے ہیں۔ 36 ریاستوںاور مرکز ی انتظام والے علاقوں کے 189 منفرد اضلاع کے 360 اسکولوں کے بیچ یہ مقابلہ ہوگا۔
مرکزی وزیر جناب انوراگ ٹھاکر نے کہا کہ ‘‘ ہمارے عزت مآب وزیراعظم جناب نریندر مودی نے چند برس قبل فٹ انڈیا موومنٹ میں شامل ہونے کے لئے پرزور اپیل کی تھی۔ ان کے ویژن کو آگے لے جاتے ہوئے ہم نے فٹ انڈیا کوئز -ہندوستان کی پہلی اسکول فٹنس اور اسپورٹس کوئز کا آغاز کیا۔ میں ہندوستان کے ان تمام طلبہ کو مبارکباد دیتا ہوں، جنہوں نے کوئز کے ابتدائی مرحلوں کے لئے بہترین خواہشات پیش کرتا ہوں اور امید کرتا ہوں کہ آپ لوگ اپنے اسکول، ضلع اور ریاست کا سر فخر سے بلند کریں گے’’۔
اسٹیٹ راؤنڈ ویب پر مبنی راؤنڈ ہوگا، جہاں 8 سے 32 ٹیمیں اسٹیٹ چمپئن بننے کے لئے مقابلہ کریں گی۔ نوجوانوں کے امور اور کھیلوں کی وزارت کے سوشل میڈیا ہینڈلز پر ویب کاسٹ کی جائے گی۔ کوئز کے انعامات کی مجموعی رقم 3 کروڑ 25 لاکھ روپے ہے، جو کوئز کے مختلف مرحلوں میں فاتح سکولوں اور طلبہ میں تقسیم ہو گی۔
جناب انوراگ ٹھاکر کے ہمراہ ممتاز ایتھلیٹس نے مقابلے میں حصہ لینے والے طلبہ کو مبارکباد دی۔ ٹوکیو اولمپکس میں چاندی کا تمغہ جتینے والی میرابائی چا نو نے کہا کہ میں تمام امیدواروں کے لئے بہترین خواہشات پیش کرتی ہوں۔ ٹوکیو پیرا لمپکس میں کانسے کا تمغہ جیتنے والے شرد کمار نے کہا کہ میں امید کرتی ہوں کہ ہر امیدوار اپنی بہترین صلاحیتوں کا مظاہرہ کرے گا اور اپنی ریاست کو اولین فٹ انڈیا کوئز کا چمپئن بنانے کے لئے کوشش کرے گا۔
نیشنل ٹینس اسٹار منکا بترا نے کہا کہ میری نیک تمنائیں مقابلے میں حصہ لینے والے طلبہ کے ساتھ ہیں۔ بہترین ریاستیں یہ مقابلہ جیتیں۔
13502 اسکولوں کے 36299 طلبہ نے کوئز کے ابتدائی مرحلوں میں حصہ لیا تھا اور اس میں حصہ لینے والوں میں لڑکوں اور لڑکیوں کی یکساں تعداد تھی۔اترپردیش کے 2 طلبہ نے دیگر تمام ریاستوں کو پیچھے چھوڑ دیا اور ابتدائی راؤنڈ میں سب سے زیادہ نمبر حاصل کئے۔
اسٹیٹ راؤنڈ کے بعد 36 اسکول ٹیمیں نیشنل راؤنڈ میں جائیں گی، جو اس سال بعد میں ہوگا اور اسٹار اسپورٹس پر اسے ٹیلی کاسٹ اور متعدد سوشل میڈیا چینلوں پر ویب کاسٹ کیا جائے گا۔
