Urdu News

سوربھ گنگولی آج اپنی 49 ویں سالگرہ منا رہے ہیں

سوربھ گنگولی

سوربھ گنگولی آج اپنی 49 ویں سالگرہ منا رہے ہیں

نئی دہلی، 8 جولائی (انڈیا نیرٹیو)

ہندوستانی کرکٹ ٹیم کے سابق کپتان اور ہندوستان کرکٹ کنٹرول بورڈ (بی سی سی آئی) کے موجودہ صدر، سوربھ گنگولی آج اپنی 49 ویں سالگرہ منا رہے ہیں۔ سابق ہندوستانی کرکٹرز وی وی ایس لکشمن اور ویریندر سہواگ نے اس موقع پر نیک خواہشات کا اظہار کیا ہے۔

گنگولی کے ساتھ اپنے کھیل کے دنوں کی تصویرشیئر کرتے ہوئے لکشمن نے ٹویٹ کیا ’گنگولی آپ کو ڈھیر ساری  مبارکباد دیتا ہوں۔ آپ کو زندگی کی سب سے بڑی خوشیاں اور کبھی ختم نہ ہونے والے لطف کا تحفہ ملے۔یوم پیدائش مبارک ہو۔

ہندوستان کے سابق اوپنر وریندر سہواگ نے گنگولی کی سالگرہ کے موقع پر’اچھی صحت‘ کی دعا کی۔

اسی دوران سہواگ نے ٹویٹر پر ایک میم شیئر کیا، جس میں موٹرسائیکل پر ’دادا‘ لکھا ہوا ہے، سہواگ خود موٹر سائیکل پر سوار ہیں اور گنگولی ان کے پیچھے بیٹھے ہیں۔بی سی سی آئی نے بھی ٹویٹ کرتے ہوئے اپنے صدر کو سالگرہ کی مبارکباد پیش کی ہے۔سابق ہندوستانی کرکٹر محمد کیف، جنہوں نے 2002 میں گنگولی کے تحت ون ڈے ڈیبیو کیا تھا، نے جذباتی پیغام دیا۔

Recommended