کورونا کے خلاف جنگ میں مدد کے لیے 2000آکسیجن کنسنٹریٹر عطیہ کرے گا بی سی سی آئی

بھارتی کرکٹ کنٹرول بورڈ ( بی سی سی آئی) نے کورونا کے خلاف جنگ میں مدد کے لیے دس لیٹر کے2000آکسیجن کنسنٹریٹر عطیہ میں دینے کا فیصلہ کیا ہے۔ بتادیں کہ ملک کے کئی حصوں میں میڈیکل آکسیجن کی کمی کے ساتھ ملک کو کووڈ-19معاملوں کی ایک بڑی لہر کا سامنا کرنا پڑرہا ہے۔ کئی کھیل ہستیوں اور تنظیموں نے کورونا وائرس کے خلاف بھارت کی لڑائی کے لیے آکسیجن کنسنٹریٹرعطیہ میں دیا ہے۔

 بی سی سی آئی نے اپنی ویب سائٹ پر کہا ہے کہ میڈیکل آلات اور زندگی بچانے والے آکسیجن کی مانگ کے ساتھ ملک کورونا وائرس کی ایک غیر معمولی دوسری لہر کی زد میں آگیا ہے۔ اگلے کچھ مہینوں میں بورڈ اس امید کے ساتھ پورے بھارت میں کنسنٹریٹر کو تقسیم کرے گاکہ ضرورت مند مریضوں کو اہم میڈیکل مدد ملے گی اور یہ پہلا وبا ءذریعہ پھیلائے گئے قہر کو کم کرے گی۔

بی سی سی آئی کے صدر سورو گانگولی نے کہا کہ بورڈ وبامیں میڈیکل اور صحت خدمات ادارہ کے ذریعہ ادا کئے گئے اہم رول کی تعریف کرتا ہے۔ انہوں نے کہا کہ بی سی سی آئی نے علاج اور صحت خدمات اداروں کے ذریعہ ادا کئے گئے رول کو قبول کیا ہے۔ ہم وائر س کے خلاف اس لمبی لڑائی کو مل کر لڑیں گے۔ میڈیکل سے جڑے لوگ حقیقت میں اگلی لائن کے فائٹررہے ہیں اور ہمیں بچانے کے لئے ہر ممکن کوشش کی ہے۔ بورڈ نے ہمیشہ صحت اور تحفظ کو فہرست میں سب سے اوپر رکھا ہے۔ آکسیجن کنسنٹریٹر متاثر لوگوں کو فوری طور پر مدد مہیا کریں گے۔ ہم کورونا وائرس کے متاثرین کے جلد صحت یاب ہونے میں مدد کریں گے۔ 

بتادیں کہ حال ہی میں بھارتی کرکٹر ہارد ک اور کنال پانڈیا نے بھی کووڈ-19کے خلاف لڑائی میں اپنی مدد دیتے ہوئے بحران سے نمٹنے والے مراکز پر آکسیجن کنسنٹریٹر بھیجا ہے۔